Qazgıdromet fılıaly dırektorynyń orynbasary 4,4 mln teńgeni jymqyrǵan
«Atyraý oblysy boıynsha Memlekettik kirister departamentiniń Ekonomıkalyq tergeý qyzmeti «Qazgıdromet» RMK-nyń Atyraý oblysy boıynsha fılıaly dırektorynyń orynbasary A.-ǵa qatysty, 2017 jylǵa ekologııalyq monıtorıng júrgizýge bólingen bıýdjet qarajatyn iri mólsherde jymqyrý deregi boıynsha QR QK-niń 189-baby 3-bóliginiń 1-tarmaǵymen qozǵalǵan qylmystyq isti sotqa deıingi tergeýdiń biryńǵaı tizilimine tirkedi», - delingen habarlamada.
Sotqa deıingi tergeý barysynda kúdiktiniń kinási dáleldenip, memleketke keltirilgen 4 463 110 teńge kólemindegi materıaldyq zalal tolyqtaı óndirilgen.
Qazirgi ýaqytta sotqa deıingi tergeý aıaqtalyp, QR QPK-niń 615-baby 2-bóligine sáıkes, ıaǵnı kúdiktiden kináni moıyndaý týraly mámile nysanynda protsesstik kelisim jasasý týraly ótinishhat túsýine baılanysty qylmystyq is prokýratýra organdaryna joldandy.
