Qazgıdromet: Erteń respýblıkanyń birqatar aımaqtarynda jel kúsheıedi
ASTANA. 18 qarasha. QazAqparat - Erteń respýblıkada atmosferalyq aǵyndardyń ótýine baılanysty turaqsyz aýa raıy saqtalady, keı jerlerde jaýyn-shashyn bolady, tuman túsedi, jel kúsheıedi. Bul týraly «Qazgıdrometke» silteme jasap, QR TJM baspasóz qyzmetinen habarlady.
Aqmola, Soltústik Qazaqstan, Pavlodar oblystarynda keı jerlerde azdaǵan burqasyn soǵady dep kútilýde, kóktaıǵaq bolady, jel 15-20 m/s-ke kúsheıedi, keı jerlerde jel ekpini 25 m/s bolýy múmkin.
Almaty oblysynda kúndiz keı jerlerde jel 15-20 m/s-ke kúsheıedi, Jalańashkól aýdanynda jel 18-23 m/s soǵady, kúndiz jel ekpini 28 m/s bolady.
Jambyl oblysynda keı jerlerde tuman túsedi, kóktaıǵaq bolady, jel 15-20 m/s-ke kúsheıedi.
Qostanaı oblysynda keı jerlerde burqasyn soǵady, kóktaıǵaq bolady, jel 15-20 m/s-ke kúsheıip, túnde keı jerlerde jel ekpini 25 m/s bolady.
Aqtóbe oblysynda keı jerlerde kóktaıǵaq bolyp, jel 15-20 m/s bolýy múmkin.
Batys Qazaqstan oblysynyń birqatar aımaqtarynda túnde jel 15-20 m/s-ke kúsheıedi.
Ońtústik Qazaqstan, Qyzylorda oblystarynda kúndiz jel 15-20 m/s bolyp, Ońtústik Qazaqstan oblysynda tuman túsedi.
Atyraý, Mańǵystaý oblysynda keı jerlerde túnde jel 15-20 m/s-ke kúsheıedi.
Qaraǵandy, Shyǵys Qazaqstan oblystarynda keı jerlerde kóktaıǵaq bolady.
Jaqyn táýlikterde Ońtústik Qazaqstan jáne Qyzylorda oblystarynyń ońtústik aýmaǵynda ózen salalaryn retteýge baılanysty Syrdarııa ózeninde sý kólemi ulǵaıady dep kútilýde, Kergelmes aýylynan tómen sý deńgeıiniń tómendeýi jalǵasady. Qazaqstannyń soltústik bóliginiń kóptegen ózenderinde sý betiniń birte-birte salqyndaýy baıqalady. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
