Qazgıdromet: Erteń Qazaqstannyń basym bóliginde aýa raıy jaýyn-shashynsyz bolady
ASTANA. 5 qarasha. QazAqparat - Erteń Qazaqstannyń basym bóliginde antıtsıklon yqpalymen aýa raıy jaýyn-shashynsyz bolady dep kútilýde. Respýblıkannyń soltústik bóliginde atmosferalyq aǵyndardyń ótýine baılanysty aýa raıy turaqsyz bolady, ótkinshi jańbyr jaýyp, jel kúsheıedi, tuman túsýi baıqalady. Bul týraly "Qazgıdrometke" silteme jasap, QR TJM habarlady.
Aqmola, Pavlodar oblystarynda keı jerlerde jel 15-20 m/s-qa deıin kúsheıedi. Almaty, Jambyl, Batys Qazaqstan, Atyraý oblystarynda keı jerlerde tuman túsýi yqtımal. Qostanaı oblysynda keı jerlerde jel 15-20 m/s-qa deıin kúsheıedi, túnde keı jerlerde tuman túsedi. Soltústik Qazaqstan oblysynyń da birqatar jerlerinde tuman túsýi múmkin, jel 15-20 m/s-qa deıin kúsheıedi.
Jaqyn táýlikterde Shardara sý qoımasynda sý ulǵaıady dep kútilýde. Shyǵys Qazaqstan oblysynyń jekelegen ózenderinde jańbyr jaýady dep boljanýyna baılanysty sý kólemi ulǵaıýy múmkin. Soltústik oblystardyń ózenderinde sý betiniń birte-birte salqyndaýy baıqalady. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
