«Qazgıdromet» elimizdiń birqatar óńirinde aýa raıyna baılanysty eskertý jarııalady

ASTANA. KAZINFORM – «Qazgıdromet» RMK-sy 17 óńirde kún raıyna baılanysty eskertý jarııalady.

Kásiporynnyń derekterine qaraǵanda, 12 shilde kúni Astanada naızaǵaı oınaıdy. Soltústik-batystan jel soǵady, kúndiz ekpini 15 m/s.

Túrkistan oblysynda soltústik-shyǵystan jel soǵady, kúndiz taýly aýdandarda kúshi 15-20 m/s.

12 shildede kúndiz Ulytaý oblysynda 35-36 gradýs qatty ystyq. Oblys boıynsha tótenshe órt qaýpi saqtalady.

12 shildede Abaı oblysynyń batysynda, soltústiginde, ońtústiginde naızaǵaı oınap, kúndiz burshaq jaýady, daýyl turady. Jel ońtústik-batystan soǵady, oblystyń batysynda, soltústiginde, ortalyǵynda 15-20, kúndiz ekpini 23 m/s. Oblystyń soltústik-batysynda, batysynda, ortalyǵynda joǵary órt qaýpi saqtalady, oblystyń ońtústiginde tótenshe órt qaýpi saqtalady.

Qaraǵandy oblysynyń soltústiginde, shyǵysynda naızaǵaı oınap, kúndiz burshaq jaýady. Oblystyń batysynda, shyǵysynda, ońtústiginde tótenshe órt qaýpi, oblystyń ortalyǵynda joǵary órt qaýpi saqtalady. Oblystyń soltústiginde joǵary órt qaýpi saqtalady.

12 shildede kúndiz Aqtóbe oblysynyń soltústiginde naızaǵaı oınaıdy. Kúndiz 35-37 gradýs ystyq. Oblystyń ortalyǵynda, ońtústiginde tótenshe órt qaýpi, oblystyń soltústiginde, batysynda, shyǵysynda joǵary órt qaýpi saqtalady.

12 shildede kúndiz Mańǵystaý oblysynda 38-40 gradýs ystyq. Oblys boıynsha tótenshe órt qaýpi saqtalady.

Pavlodar oblysynyń soltústiginde jańbyr, kúndiz burshaq jaýady, daýyl turady naızaǵaı oınaıdy. Batystan jel soǵady, ekpini 15-20 m/s. Oblystyń batysynda joǵary órt qaýpi saqtalady.

12 shildede kúndiz Qyzylorda oblysynda jel soltústikten, soltústik-shyǵystan soǵady, oblystyń ortalyǵynda kúshi 15-20 m/s-ke jetedi. Kúndiz 40 gradýs ystyq. Tótenshe órt qaýpi saqtalady.

12 shildede Qostanaı oblysynda soltústik-batystan jel soǵady, kúndiz oblystyń shyǵysynda, ońtústiginde ekpini 15-20 m/s. Oblystyń ońtústik-batysynda tótenshe órt qaýpi saqtalady. Oblystyń shyǵysynda joǵary órt qaýpi saqtalady.

12 shildede Atyraý oblysynda 35-39 gradýs qatty ystyq bolady. Oblys boıynsha joǵary órt qaýpi saqtalady.

12 shildede Shyǵys Qazaqstan oblysynyń soltústiginde, shyǵysynda naızaǵaı oınap, kúndiz burshaq jaýady, daýyl turady. Jel ońtústik-shyǵystan soǵady, oblystyń soltústiginde, shyǵysynda 15-20, kúndiz ekpini 23 m/s. Oblystyń ortalyǵynda, ońtústiginde joǵary órt qaýpi saqtalady.

12 shildede kúndiz Jambyl oblysynyń ońtústik-batysynda, soltústik-shyǵysynda, taýly aýdandarynda soltústik-shyǵystan jel soǵady, kúshi 15-20 m/s. Oblystyń batysynda, ońtústiginde, shyǵysynda tótenshe órt qaýpi saqtalady.

12 shildede Batys Qazaqstan oblysynda kúndiz 35-38 gradýs ystyq. Joǵary órt qaýpi saqtalady.

12 shildede Soltústik Qazaqstan oblysynyń soltústiginde, shyǵysynda naızaǵaı oınap, kúndiz burshaq jaýady. Túnde jáne tańerteń oblystyń batysynda tuman túsedi. Soltústik-batystan jel soǵady, oblystyń soltústiginde, shyǵysynda, ońtústiginde ekpini 15-20 m/s.

12-14 shildede Almaty oblysynda tótenshe órt qaýpi, oblystyń shyǵysynda joǵary órt qaýpi saqtalady.

Almatyda 12-14 shildede tótenshe órt qaýpi saqtalady.

12 shildede Aqmola oblysynyń shyǵysynda keı ýaqytta qatty jańbyr jaýady. Oblystyń soltústiginde, ońtústiginde, shyǵysynda naızaǵaı oınap, burshaq jaýady, daýyl turady. Sotústik-batystan jel soǵady, oblystyń soltústiginde, ońtústiginde, shyǵysynda ekpini 15-20 m/s. Oblystyń batysynda, ońtústiginde joǵary órt qaýpi saqtalady.

12 shildede Jetisý oblysynda batystan jel soǵady, oblystyń shyǵysynda, ońtústiginde ekpini 15-20, túnde keı ýaqyttarda 25 m/s kútiledi. Oblystyń ońtústiginde joǵary órt qaýpi, oblystyń batysynda, soltústiginde, shyǵysynda tótenshe órt qaýpi saqtalady.

Osyǵan deıin Atyraýda aýa temperatýrasy +43 gradýsqa deıin kóterilip, qatty ystyq bolýy múmkin ekeni týraly jazdyq.