Qazgıdromet elimizdiń birqatar óńirinde aýa raıyna baılanysty eskertý jarııalady

ASTANA. KAZINFORM – «Qazgıdromet» RMK-sy Qazaqstannyń birqatar óńirlerinde aýa raıyna baılanysty eskertý jarııalady.

Kásiporynnyń derekterine qaraǵanda, Astanada 4 naýryz kúni keı ýaqytta qar jaýyp, jaıaý burqasyn bolady.

Jetisý oblysynyń taýly aýdandarynda qatty qar jaýady. Kúndiz oblystyń shyǵysynda, ońtústiginde, taýly aýdandarynda jaýyn-shashyn (jańbyr, qar), kóktaıǵaq bolady. Túnde jáne tańerteń oblystyń soltústiginde, ortalyǵynda, taýly aýdandarynda tuman túsedi. Ońtústik-batystan jel soǵady, oblystyń soltústiginde, shyǵysynda ekpini 15-20, keı ýaqyttarda 23-28 m/s.

4 naýryzda túnde Atyraý oblysynyń batysynda, soltústiginde, shyǵysynda qar jaýyp, kúndiz oblystyń batysynda, soltústiginde, shyǵysynda jaýyn-shashyn (jańbyr, qar), kóktaıǵaq, jaıaý burqasyn bolady.

4 naýryzda túnde Ulytaý oblysynda qar jaýyp, jaıaý burqasyn soǵady, kúndiz oblystyń ońtústiginde, shyǵysynda qar jaýyp, jaıaý burqasyn soǵady. Túnde jáne tańerteń oblystyń soltústiginde tuman túsedi. Ońtústik-shyǵystan soǵatyn jel ońtústik-batysqa aýysady, kúndiz oblystyń ońtústiginde, shyǵysynda ekpini 15-18 m/s.

4 naýryzda túnde Jambyl oblysynyń batysynda, soltústiginde, taýly aýdandarynda qar jaýady, kúndiz taýly aýdandarynda qar jaýyp, kóktaıǵaq, jaıaý burqasyn bolady. Oblystyń soltústiginde, ońtústiginde, taýly aýdandarynda tuman túsedi. Ońtústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda jyldamdyǵy 15-20, ekpini 23-28 m/s.

4 naýryzda Abaı oblysynyń batysynda, soltústiginde, ońtústiginde qar jaýyp, jaıaý burqasyn soǵady. Jel ońtústik-batystan soǵady, oblystyń batysynda, soltústiginde, ortalyǵynda ekpini 15-20 m/s.

3 naýryzdyń saǵat 20.00-den 04 naýryzdyń saǵat 08.00-ge deıin Óskemen qalasy boıynsha, kútilip otyrǵan qolaısyz meteorologııalyq jaǵdaılarǵa baılanysty, QMJ týraly ekinshi dárejeli eskertýi saqtalady.

4 naýryzda Qaraǵandy oblysynda qar jaýyp, jaıaý burqasyn bolad. Túnde jáne tańerteń oblystyń ońtústiginde, shyǵysynda tuman túsedi. Ońtústikten, ońtústik-batystan jel soǵady, oblystyń soltústiginde, ońtústiginde, shyǵysynda ekpini 15-18 m/s.

4 naýryzda túnde Pavlodar oblysynyń batysynda, ońtústiginde qar jaýady. Oblysynyń batysynda, ońtústiginde jaıaý burqasyn soǵady. Ońtústik-batystan jel soǵady, kúndiz oblystyń batysynda, ońtústiginde ekpini 15-20 m/s.

4 naýryzda Mańǵystaý oblysynyń batysynda, soltústiginde, ortalyǵynda jaýyn-shashyn (jańbyr, qar), túnde jáne tańerteń oblystyń batysynda keı ýaqyttarda qalyń qar jaýady. Oblystyń batysynda, soltústiginde, ortalyǵynda jaıaý burqasyn soǵyp, tuman túsedi, kóktaıǵaq bolady. Túnde oblystyń soltústik-shyǵysynda 20 gradýs aıaz.

4 naýryzda túnde jáne tańerteń Shyǵys Qazaqstan oblysynyń soltústiginde, ońtústiginde tuman túsedi.

4 naýryzda túnde Qyzylorda oblysynyń shyǵysynda, ortalyǵynda qar jaýyp, burqasyn soǵady. Oblystyń soltústiginde, shyǵysynda, ortalyǵynda tuman túsip, kóktaıǵaq bolady. Jel ońtústik-batystan soǵady, túnde oblystyń shyǵysynda, ortalyǵynda ekpini 15-20 m/s.

4 naýryzda Qostanaı oblysynyń soltústiginde, batysynda, shyǵysynda qar jaýyp, jaıaý burqasyn soǵady. Oblystyń soltústiginde, ońtústiginde tuman túsedi. Ońtústik-batystan jel soǵady, kúndiz oblystyń ońtústiginde, shyǵysynda ekpini 15-20 m/s.

4 naýryzda túnde Aqmola oblysynda qar jaýyp, burqasyn soǵady, kúndiz oblystyń batysynda, soltústiginde, shyǵysynda qar jaýyp, jaıaý burqasyn soǵady. Túnde jáne tańerteń oblystyń batysynda, ońtústiginde tuman túsedi. Ońtústik-batystan jel soǵady, oblystyń batysynda, soltústiginde, shyǵysynda ekpini 15-20 m/s.

4 naýryzda túnde Soltústik Qazaqstan oblysynyń ońtústik-batysynda, ońtústiginde qar jaýyp, jaıaý burqasyn soǵady, kúndiz qar, oblystyń ońtústiginde jaıaý burqasyn soǵady. Túnde jáne tańerteń oblystyń batysynda tuman túsedi. Ońtústik-shyǵystan soǵatyn jel ońtústik-batysqa aýysady, kúndiz oblystyń ońtústiginde ekpini 15-20 m/s.

4 naýryzda túnde jáne tańerteń Túrkistan oblysynyń soltústiginde, batysynda, taýly aýdandarynda qar jaýyp, jaıaý burqasyn soǵady. Oblystyń batysynda, ońtústiginde, taýly aýdandarynda tuman túsedi. Ońtústik-batystan jel soǵady, oblystyń soltústiginde, batysynda, ortalyǵynda jáne taýly aýdandarynda kúshi 15-20, túnde oblystyń taý asýlarynda ekpini 23-28 m/s.

4-6 naýryzda Almaty oblysynyń ońtústiginde, taýly aýdandarynda keı ýaqytta tuman túsip, joldarda kóktaıǵaq bolady. 4 naýryzda batystan jel soǵady, túnde oblystyń ońtústik-shyǵysynda, ortalyǵynda ekpini 18-23 m/s.

Osyǵan deıin Almaty oblysynda kólik qozǵalysyna shekteý qoıylǵany týraly jazdyq.