Qazgıdromet: elimizdiń 9 óńirinde aptap ystyq bolady
ASTANA. KAZINFORM – Qazgıdromet erteń elimizdiń 9 óńirinde joǵary órt qaýpi baryn boljap otyr.
29 shildede túnde Abaı oblysynyń shyǵysynda, ońtústiginde jáne ortalyǵynda naızaǵaı kútiledi. Óńirdiń soltústik, soltústik-shyǵys jáne túnde oblystyń ońtústiginde 15-18 sekýndyna metrge jel soqpaq, Al kúndiz oblystyń ońtústiginde 37 gradýs aptap ystyq bolmaq. Oblystyń ońtústiginde, batysynda, ortalyǵynda órt qaýpi joǵary.
Sol túni Shyǵys Qazaqstan oblysynyń soltústiginde qatty jańbyr, naızaǵaı kútiledi. Kúndiz oblystyń shyǵysynda, ońtústiginde naızaǵaı men burshaq túsedi. Oblystyń soltústiginde, shyǵysynda jáne soltústik-batysynda sekýndyna 15-20 jel soǵady dep boljandy. Al óńirdiń ońtústiginde órt qaýpi joǵary.
Aqmola oblysynyń batysynda, soltústiginde jáne shyǵysynda naızaǵaı kútiledi. Oblystyń batysynda, soltústiginde jáne shyǵysynda jeldiń ekpini 15-20 metr saıyn.
29-31 shildede Mańǵystaý oblysynyń basym bóliginde tótenshe órt qaýpi saqtalady.
Qaraǵandy oblysynyń soltústik-batysynda, oblystyń ońtústiginde, batysynda órt qaýpi joǵary bolady dep kútiledi.
Ulytaý oblysynyń basym bóliginde órt qaýpi joǵary bolady dep kútilýde. Oblystyń batysynda tótenshe órt qaýpi saqtalyp otyr.
Al Soltústik Qazaqstan oblysynyń batysynda, soltústiginde, ońtústiginde naızaǵaı, kúndiz burshaq, daýyl soǵady dep kútilip otyr. Oblystyń ońtústik-batys, batysy, soltústigi men ońtústiginde 15-20 metrge jel soqpaq.
Erteń kúndiz Aqtóbe oblysynyń soltústiginde, shyǵysynda naızaǵaı kútiledi. Ár metrine 15-20 sekýndta jel soǵady. Kúndiz óńirdiń batys, ońtústik-batys, soltústiginde, shyǵysynda jel ekpindi. Sonymen qatar oblystyń ońtústigi men ońtústik-shyǵysynda órt qaýpi joǵary.
Kúndiz Jambyl oblysynyń taýly aýdandarynda naızaǵaı kútiledi. Jel soltústik-batysta, oblystyń taýly aımaqtarynda 15-20 m/s. Kúndiz oblystyń soltústik-shyǵysynda 38-40 gradýs qatty ystyq bolady dep kútilýde. Oblystyń kóp bóliginde, ıaǵnı soltústik-batysynda, ońtústik-shyǵysynda tótenshe órt qaýpi joǵary.
Atyraý oblysynda batys, ońtústik-batys jel soǵady, kúndiz oblystyń soltústiginde ekpini 15-20 m/s bolady. Kúndiz 35 gradýsqa deıin qatty ystyq bolmaq. Oblystyń batysynda órt qaýpi joǵary, oblystyń ońtústik-shyǵysynda, ońtústik-batysynda da kútpegen ór qaýpi saqtalyp otyr.
Qyzylorda oblysynda soltústik, soltústik-batys jel soǵady dep kútilýde, kúndiz oblystyń ortalyǵynda 15-20 m/s. Oblystyń basym bóliginde órt qaýpi joǵary, atap aıtsaq, óńirdiń ortalyǵynda, ońtústiginde, shyǵysynda tótenshe órt qaýpi saqtalady. Qyzylordada soltústik jel, kúndiz ekpini 16 m/s bolady dep kútilýde.
Túrkistan oblysynyń taý asýlarynda soltústik-shyǵys jel kútiledi, 15-20 m/s. Atalǵan óńirdiń basym bóliginde tótenshe órt qaýpi saqtalady. Sonymen qatar erteń Shymkent pen Túrkistan qalasynda tótenshe órt qaýpi bar.
Batys Qazaqstan oblysynyń soltústiginde, shyǵysynda naızaǵaı kútilýde. Jel ońtústik-batys, kúndiz oblystyń shyǵysynda ekpini 15-20 m/s.
Kúndiz shyǵysta, Jetisý oblysynyń taýly aýdandarynda naızaǵaı kútiledi. Jel shyǵys, kúndiz Alakól kólderi aýdanynda ekpini 17-22 m/s.kúndiz oblystyń basym bóliginde 35-39 gradýs qatty jylý saqtalady.
