«Qazgıdromet» elimizdiń 14 óńirinde aýa raıyna baılanysty eskertý jarııalady

ASTANA. QazAqparat – «Qazgıdromet» RMK-sy Qazaqstannyń 14 óńirinde aý raıyna baılanysty eskertý jarııalady, dep habarlaıdy «Qazgıdromet».

Atyraý oblysynda ońtústik-shyǵystan soqqan jeldiń ekpini oblystyń soltústiginde, shyǵysynda jáne ońtústiginde 15–20 m/s deıin jetedi. Soltústik, ońtústik jáne shyǵys aımaqtarda tótenshe órt qaýpi saqtalady, al soltústik-shyǵys pen ońtústik-shyǵysta órt qaýpi joǵary deńgeıde. Atyraý qalasynda da túnde jáne tańerteń jel ekpini 15–18 m/s bolady, órt qaýpi tótenshe deńgeıde.

Ulytaý oblysynda kúndiz oblystyń batysynda soltústik-shyǵystan, shyǵystan jel soǵyp, ekpini 15–20 m/s jetedi. Oblystyń ońtústiginde tótenshe órt qaýpi saqtalady, shyǵysy men ortalyǵynda órt qaýpi joǵary, soltústiginde de qaýiptiń joǵary deńgeıi kútiledi. Jezqazǵanda órt qaýpi joǵary deńgeıde saqtalady.

Mańǵystaý oblysynda jáne Aqtaý qalasynda órt qaýpi joǵary deńgeıde saqtalady.

Qyzylorda oblysynda tótenshe órt qaýpi, al soltústigi men ortalyǵynda joǵary órt qaýpi saqtalady. Qyzylorda qalasynda da órt qaýpi joǵary deńgeıde.

Qaraǵandy oblysynda kúndiz oblystyń batysynda soltústik-shyǵystan, shyǵystan soqqan jeldiń ekpini 15–18 m/s deıin kúsheıedi.

Abaı oblysynda túnde jáne tańerteń soltústiginde tuman kútiledi. Kúndiz oblystyń ońtústik-batysynda soltústikten, soltústik-shyǵystan soqqan jeldiń ekpini 15–20 m/s jetedi. Ońtústiginde órt qaýpi joǵary deńgeıde.

Shyǵys Qazaqstan oblysynda túnde jáne tańerteń soltústiginde tuman kútiledi. Kúndiz ońtústik-shyǵysynda jeldiń ekpini 15–18 m/s deıin jetedi.

Batys Qazaqstan oblysynda keı jerlerde qatty jańbyr jaýady. Túnde jáne tańerteń batysy men soltústiginde tuman bolady. Kúndiz shyǵysy men ońtústiginde jeldiń ekpini 15–20 m/s jetedi. Ońtústiginde tótenshe órt qaýpi saqtalady. Oral qalasynda túnde jáne tańerteń tuman túsedi.Aqtóbe oblysynda kúndiz soltústigi men ortalyǵynda jeldiń ekpini 15–18 m/s deıin jetedi. Ońtústigi men shyǵysynda órt qaýpi joǵary, batysy men soltústik-shyǵysynda tótenshe órt qaýpi saqtalady.

Jambyl oblysynda túnde jáne tańerteń taýly aýdandarda tuman túsedi. Soltústik-shyǵysynda jáne taýly aımaqtarda jeldiń ekpini 15–20 m/s. Batysy men soltústiginde tótenshe, ortalyǵynda joǵary órt qaýpi saqtalady.

Qostanaı oblysynda túnde jáne tańerteń batysy men soltústiginde tuman kútiledi. Ońtústiginde tótenshe, ońtústik-batysynda joǵary órt qaýpi saqtalady.

Soltústik Qazaqstan oblysynda batysy, soltústigi jáne ońtústigi boıynsha tuman kútiledi. Petropavl qalasynda da túnde jáne tańerteń tuman bolady.

Aqmola oblysynda túnde jáne tańerteń soltústigi men shyǵysynda tuman kútiledi. Ońtústik-batysynda órt qaýpi joǵary. Kókshetaýda da túnde jáne tańerteń tuman bolady. Jetisý oblysynda túnde jáne tańerteń taýly aýdandarda tuman túsedi. Túnde ortalyǵy men shyǵysynda 1–3 gradýs aıaz kútiledi. Taldyqorǵanda da túnde 1–3 gradýs aıaz bolady.