Qazgıdromet elimiz boıynsha aýa raıyna baılanysty eskertý jasady
ASTANA. KAZINFORM – «Qazgıdromet» RMK 23 shildege aýa raıyna baılanysty eskertý jarııalady. Eldiń barlyq oblysynda nóser jańbyr, naızaǵaı, burshaq, ekpindi jel, aptap ystyq, sel qaýpi, ózenderdegi sý deńgeıiniń kóterilýi jáne órt qaýpi boljanyp otyr.
Astanada kúndiz jańbyr jaýyp, naızaǵaı oınaıdy. Keı ýaqytta burshaq túsýi múmkin.
Almatyda ótkinshi jańbyr men naızaǵaı kútiledi. Batystan soǵatyn jeldiń ekpini sekýndyna 15 metrge deıin jetedi. Qalada tótenshe órt qaýpi saqtalady. Taýly aımaqtarda nóser jańbyr, burshaq, jel soǵyp, ekpini sekýndyna 25 metrge deıin kúsheıýi yqtımal.
Aqmola oblysynda jańbyr jaýyp, naızaǵaı oınaıdy. Oblystyń soltústigi men shyǵysynda qatty jańbyr, kúndiz burshaq pen jel kútiledi. Túnde jáne tańerteń keı jerlerde tuman túsedi. Jeldiń ekpini sekýndyna 15–20 metrge jetedi. Oblystyń batysynda joǵary órt qaýpi saqtalady.
Aqtóbe oblysynda batys jáne ońtústik aýdandarda kúndiz aýa temperatýrasy 35–36 gradýsqa deıin kóteriledi. Batys pen shyǵysta joǵary, ońtústik-shyǵysta tótenshe órt qaýpi saqtalady.
Almaty oblysynda soltústik, ońtústik jáne taýly aýdandarda jańbyr jaýyp, naızaǵaı bolady. Keı jerde nóser jańbyr, burshaq jáne jel kútiledi. Jeldiń ekpini sekýndyna 15–20 metrge, kúndiz keı jerlerde 25 metrge deıin jetedi. Óńirde joǵary, keı jerde tótenshe órt qaýpi saqtalady. Taýly aımaqtarda sel júrý qaýpi bar.
Abaı oblysynda túnde jáne kúndiz jańbyr jaýyp, naızaǵaı oınaıdy. Soltústik jáne ońtústik bóliginde nóser jańbyr, burshaq, jel kútiledi. Jeldiń ekpini kúndiz sekýndyna 23–28 metrge deıin kúsheıedi. Órt qaýpi joǵary jáne tótenshe deńgeıde saqtalady. 23–25 shilde aralyǵynda taýly jáne taý bókterindegi aýdandarda ózenderdegi sý deńgeıi kóterilip, betkeılik aǵyn men sel júrýi múmkin.
Atyraý oblysynda kúndiz qatty ystyq bolyp, aýa temperatýrasy 35–39 gradýsqa deıin kóteriledi. Joǵary jáne tótenshe órt qaýpi saqtalady.
Shyǵys Qazaqstan oblysynda túnde jáne kúndiz jańbyr jaýady, naızaǵaı bolady. Taýly aýdandarda qatty jáne óte qatty jańbyr jaýyp, burshaq pen jel soǵýy múmkin. Jeldiń ekpini sekýndyna 25 metrge deıin jetedi. Órt qaýpi joǵary jáne tótenshe deńgeıde saqtalady. 23–25 shildede taýly jáne taý bókterindegi aýdandarda ózenderdegi sý deńgeıi kóterilip, sel júrý qaýpi artady.
Jambyl oblysynda jańbyr, naızaǵaı, keı jerde nóser jańbyr, burshaq jáne jel kútiledi. Jeldiń ekpini sekýndyna 25 metrge deıin kúsheıedi. Tótenshe, keı jerde joǵary órt qaýpi saqtalady.
Batys Qazaqstan oblysynda kúndiz oblystyń batysy men soltústiginde ótkinshi jańbyr jaýyp, naızaǵaı bolady. Jeldiń ekpini sekýndyna 15–20 metrge jetedi. Aýa temperatýrasy 35–38 gradýsqa deıin kóterilip, joǵary jáne tótenshe órt qaýpi saqtalady.
Qaraǵandy oblysynda jańbyr, naızaǵaı, soltústik jáne ońtústik-shyǵysynda nóser jańbyr, kúndiz burshaq pen jel kútiledi. Órt qaýpi joǵary.
Qostanaı oblysynda soltústik, shyǵys jáne ońtústik aýdandarda jańbyr jaýyp, naızaǵaı bolady. Kúndiz burshaq pen jel kútiledi. Túnde jáne tańerteń keı jerde tuman túsedi. Jeldiń ekpini sekýndyna 15–20 metrge jetedi. Órt qaýpi joǵary jáne tótenshe deńgeıde saqtalady.
Qyzylorda oblysynda kúndiz ońtústik aýdandarda jańbyr jaýyp, naızaǵaı oınaıdy. Oblys boıynsha tótenshe órt qaýpi saqtalady.
Mańǵystaý oblysynda kúndiz aýa temperatýrasy 38–40 gradýsqa deıin kóteriledi. Joǵary jáne tótenshe órt qaýpi saqtalady.
Jetisý oblysynda soltústik, batys, ońtústik, ortalyq jáne taýly aýdandarda jańbyr jaýyp, naızaǵaı bolady. Taýda keı jerde nóser jańbyr men burshaq bolady. Óńirdiń shyǵysynda jeldiń ekpini sekýndyna 23–28 metrge deıin jetedi. Taýly óńirlerde sel júrý qaýpi bar. Oblystyń soltústiginde tótenshe órt qaýpi saqtalady.
Pavlodar oblysynda jańbyr, naızaǵaı, keı jerde nóser jańbyr, burshaq jáne jel kútiledi. Jeldiń ekpini sekýndyna 23–28 metrge deıin kúsheıedi. Ońtústik jáne ortalyq bóliginde joǵary órt qaýpi saqtalady.
Soltústik Qazaqstan oblysynda soltústik, ońtústik jáne shyǵys aýdandarda ótkinshi jańbyr jaýyp, naızaǵaı bolady. Kúndiz burshaq túsýi múmkin. Túnde jáne tańerteń keı jerde tuman túsedi. Jeldiń ekpini sekýndyna 15–20 metrge jetedi.
Túrkistan oblysynda batys, soltústik, taýly jáne taý bókterindegi aýdandarda jańbyr, naızaǵaı, burshaq, jel jáne shańdy daýyl kútiledi. Jeldiń ekpini sekýndyna 15–20 metrge deıin jetedi. Oblys boıynsha tótenshe órt qaýpi saqtalady.
Shymkentte ótkinshi jańbyr jaýyp, naızaǵaı bolady. Kúshti jel soǵyp, soltústik-batystan soǵatyn jeldiń ekpini sekýndyna 15–20 metrge jetedi. Qalada tótenshe órt qaýpi saqtalady.
Ulytaý oblysynda kúndiz soltústik jáne shyǵys aýdandarda jańbyr jaýyp, naızaǵaı oınaıdy. Burshaq pen kúshti jel kútiledi. Ońtústik jáne ortalyq bóliginde azdaǵan jańbyr jaýyp, naızaǵaı bolady. Ońtústikte shańdy daýyl soǵýy múmkin. Jeldiń ekpini sekýndyna 15–20 metrge jetedi. Joǵary jáne tótenshe órt qaýpi saqtalady.
Osyǵan deıin eldiń kóp bóliginde kún salqyndaıtyny týraly jazdyq.
