Qazgıdromet: Elimizdiń kóptegen óńirinde burshaq jaýýy yqtımal
NUR-SULTAN.QazAqparat - Búgin, maýsymnyń 2-si kúni atmosferalyq aǵymdardyń ótýine baılanysty Qazaqstannyń keı jerlerinde jańbyr jaýady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, elimizdiń ońtústik, ońtústik-shyǵysynda mol kólemde jańbyr jaýady, tek respýblıkanyń batysynda ǵana jaýyn-shashynsyz aýa raıy kútiledi.
Keı jerlerde naızaǵaı oınap, tuman túsip, jel kúsheıip, daýyl bolýy, burshaq jaýýy múmkin.
Soltústik Qazaqstan oblysynyń keı jerlerinde naızaǵaı oınap, kúndiz daýyl turady, jeldiń kúshi sekýndyna 15-20 metr bolady, ekpini 23-28 m/s-qa jetedi. Sondaı-aq burshaq jaýýy da múmkin.
Qostanaı, Shyǵys Qazaqstan, Jambyl, Túrkistan oblystarynyń keı jerlerinde naızaǵaı oınap, daýyl turady, jeldiń jyldamdyǵy sekýndyna 15-20 metrge jetedi, burshaq jaýýy da múmkin.
Aqmola oblysynyń keı jerlerinde naızaǵaı oınap, kúndiz birqatar aýmaqtarda daýyl bolyp, jeldiń kúshi sekýndyna 15-20 metrge jetedi, burshaq jaýýy múmkin.
Almaty oblysynyń keı jerlerinde naızaǵaımen birge jel kúsheıedi, jyldamdyǵy sekýndyna 15-20 metrge jetedi, burshaq jaýýy da múmkin.
Batys Qazaqstan, Aqtobe oblystarynyń keı jerlerinde kúndiz naızaǵaımen birge 15-20 m/s jyldamdyqpen jel uıtqıdy.
Batys Qazaqstan oblysynyń keı jerlerinde kúndiz burshaq jaýýy múmkin.
Qyzylorda oblysynyń keı jerlerinde naızaǵaı oınap, daýyl turyp, tańerteń jáne kúndiz keı jerlerde jel 15-20 m/s jyldamdyqpen soǵady.
Pavlodar oblysynyń keı jerlerinde - naızaǵaı oınap, tuman túsip, 18 m/s jyldamdyqpen jel soǵady.
Qaraǵandy oblysynyń birqatar aımaqtarynda tuman túsedi. Kúndiz keı óńirlerde naızaǵaı oınap, jeldiń jyldamdyǵy sekýndyna 15-20 m/s-qa jetedi.
Atyraý oblysynda kúndiz qatty kún ysıdy.
Aqtóbe oblysynyń basym bóliginde, Qaraǵandy, Qyzylorda, Jambyl oblystarynyń keı jerlerinde joǵary órt qaýpi saqtalady. Atyraý oblysynda da solaı.
