«Qazgıdromet» elimizdiń birqatar óńirinde aýa raıyna baılanysty eskertý jasady

ASTANA. QazAqparat – «Qazgıdromet» RMK-sy elimizdiń birqatar óńirinde aýa raıyna baılanysty eskertý jasady, dep habarlaıdy QazAqparat.

Kásiporynnyń boljamynsha, 15 mamyrda Almaty oblysynyń taýly, taý etegindegi aýdandarynda naızaǵaı oınap, batystan jel soǵady, naızaǵaı kezinde jeldiń jyldamdyǵy sekýndyna 15-20 mterge jetedi, ekpini 17-22 m/s bolady.

Almatyda kúndiz naızaǵaı oınaıdy.

15 mamyrda túnde Aqmola oblysynyń soltústiginde, shyǵysynda 3 gradýs úsik júredi.

Kókshetaýda 15 mamyrda túnde topyraq betinde 3 gradýs úsik júredi.

15 mamyrda kúndiz Batys Qazaqstan oblysynyń batysynda naızaǵaı oınaıdy.

15 mamyrda Soltústik Qazaqstan oblysynyń soltústik-batysynda tuman túsedi. Batystan jel soǵady kúndiz oblystyń ońtústik-shyǵysynda ekpini 15-20 m/s-ke jetedi. Túnde oblystyń batysynda topyraq betinde 2 gradýs úsik júredi.

15 mamyrda túnde jáne tańerten Qostanaı oblysynyń batysynda, soltústiginde tuman túsedi. Soltústik-shyǵystan jel soǵady kúndiz oblystyń ońtústiginde ekpini 15-20 m/s-ke jetedi. Túnde oblystyń batysynda, soltústiginde topyraq betinde 2 gradýs úsik júredi. Oblystyń ońtústiginde joǵary órt qaýipi saqtalady.

15 mamyrda Abaı oblysynda jel soltústik-batystan soǵady, oblystyń soltústiginde, batysynda, ońtústiginde yladyǵy sekýndyna 15-20 metrge jetedi. Túnde oblystyń batysynda 1 gradýs úsik júredi.

Shyǵys Qazaqstan oblysynyń soltústik-shyǵysynda, shyǵysynda naızaǵaı oınaıdy. Jel soltústik-batystan soǵady, oblystyń shyǵysynda, ońtústiginde jeldiń jyldamdyǵy sekýndyna 15-20 metrge jetedi. Túnde oblystyń shyǵysynda 1 gradýs úsik júredi.

Túrkistan oblysynyń taýlarynda naızaǵaı oınaıdy. Kúndiz oblystyń soltústiginde shańdy daýyl turady. Soltústik-shyǵystan, shyǵystan jel soǵady, kúndiz oblystyń soltústiginde, batysynda, taýly jáne taý bókterli aýdandarynda jeldiń kúshi sekýndyna 15-20 metrge jetedi. Oblystyń soltústiginde, ortalyǵynda tótenshe órt qaýipi saqtalady.

Shymkentte soltústik-shyǵystan, shyǵystan jel soǵady, kúndiz ekpini 15-20 m/s.

Túrkistanda 15 mamyrda soltústik-shyǵystan, shyǵystan jel soǵady, kúndiz ekpini 15-20 m/s.

15 mamyrda Qyzylorda oblysynyń batysynda, ortalyǵynda naızaǵaı oınaıdy. Jel soltústik-shyǵystan soǵady, oblystyń ortalyǵynda kúshi 15-20 m/s-ke jetedi. Tótenshe órt qaýpi saqtalady.

Qyzylordada 15 mamyrda tótenshe órt qaýpi saqtalady.

Kúndiz 15 mamyrda Mańǵystaý oblysynyń shyǵysynda keı ýaqytta qatty jańbyr jaýyp, naızaǵaı oınaıdy, burshaq jaýady. Soltústikten, soltústik-shyǵystan jel soǵady, oblystyń ońtústiginde, shyǵysynda jeldiń jyldamdyǵy sekýndyna 15-20 metrge jetedi.

Túnde 15 mamyrda Aqmola oblysynyń soltústiginde, shyǵysynda 3 gradýs úsik júredi.

Astanada túnde 15 mamyrda topyraq betinde 2 gradýs úsik júredi.

15 mamyrda Jetisý oblysynyń shyǵysynda, ortalyǵynda, taýly aýdandarynda naızaǵaı oınaıdy. Soltústik-shyǵystan jel soǵady, naızaǵaı kezinde ekpini 15-20, Alakól kólderi aýdanynda 23-28 m/s.

Taldyqorǵanda 15 mamyrda túnde naızaǵaı oınaıdy. Soltústik-shyǵystan jel soǵady, naızaǵaı kezinde ekpini 15-20 m/s.

15-16 mamyrda túnde Pavlodar oblysynyń soltústiginde, shyǵysynda tuman túsip, 3 gradýs úsik júredi.

Pavlodarda 15 mamyrda túnde topyraqtyń betinde 3 gradýs úsik júredi.