«Qazgıdromet» elimizdiń birqatar óńirinde aýa raıyna baılanysty eskertý jarııalady
Atalmysh mekemeniń boljamyna qaraǵanda, 12 sáýirde Jetisý oblysynyń ońtústiginde, ortalyǵynda, taýly aýdandarynda naızaǵaı oınaıdy. Soltústik-shyǵystan jel soǵady, oblystyń soltústiginde, shyǵysynda ekpini 15-20, keı ýaqyttarda 23-28 m/s.
Taldyqorǵanda 12 sáýirde túnde jáne tańerteń naızaǵaı oınaıdy.
12 sáýirde kúndiz Atyraý oblysynyń ońtústiginde, shyǵysynda shańdy daýyl turady. Ońtústik-shyǵystan jel soǵady, túnde oblystyń batysynda, ońtústiginde 15-20, kúndiz oblystyń basym bóliginde jeldiń ekpini 17-22 m/s.
Atyraýda 12 sáýirde kúndiz shańdy daýyl turyp, ońtústik-shyǵystan jel soǵady, kúndiz ekpini 17-22 m/s.
Mańǵystaý oblysynyń batysynda, ońtústiginde, ortalyǵynda shańdy daýyl turady. Ońtústik-shyǵystan jel soǵady, oblystyń batysynda, ońtústiginde, ortalyǵynda ekpini 18-23 m/s bolady.
Aqtaýda 12 sáýirde shańdy daýyl turady. Ońtústik-shyǵystan jel soǵady, ekpini 18 m/s.
12 sáýirde kúndiz Batys Qazaqstan oblysynyń batysynda, ońtústiginde jel soltústik-shyǵystan, shyǵystan soǵady, ekpini 15-20 m/s. Túnde oblystyń soltústiginde, shyǵysynda topyraq betinde 2 gradýs úsik júredi.
Oralda túnde topyraq betinde 2 gradýs úsik júredi.
12 sáýirde kúndiz Pavlodar oblysynyń soltústiginde batystan jel soǵady, ekpini 15-20 m/s.
12 sáýirde túnde Soltústik Qazaqstan oblysynyń soltústiginde, shyǵysynda, ońtústiginde ońtústik-batystan jel soǵady, ekpini 15-20 m/s, kúndiz oblystyń basym bóliginde 15-20 m/s, ekpini 25 m/s-ke jetedi.
Petropavlda kúndiz ońtústik-batystan jel soǵady, kúshi 15-20 m/s, ekpini 23 m/s.
12 sáýirde kúndiz Qyzylorda oblysynyń soltústiginde ońtústik-shyǵystan jel soǵady, kúshi 15-20 m/s.
Túrkistan oblysynyń taýynda naızaǵaı oınap, burshaq jaýady. Ońtústik-shyǵystan jel soǵady, naızaǵaı kezinde ekpini 15-20 m/s bolady.
12 sáýirde Jambyl oblysynyń ońtústiginde, taýly aýdandarynda naızaǵaı oınaıdy. 12-13 sáýirde ońtústik-shyǵystan jel soǵady, oblystyń taýly aýdandarynda 15-20 m/s kútiledi.
