Qazgıdromet eldiń soltústigi, shyǵysy jáne ortalyǵynda aıaz bolady dep boljaýda
ASTANA. 18 qańtar. QazAqparat - Aldaǵy eki táýlikte, 19-20 qańtar kúnderi eldiń soltústigi, ortalyǵynda, sodan keıin shyǵysynda aıaz bolady, dep habarlaıdy Qazgıdromettiń baspasóz qyzmetinen.
Túngi aýa temperatýrasy 23-30 gradýstan 33 gradýsqa deıin tómendeıdi. Jaýyn-shashynnyń jaýý múmkindigi azaıady. Biraq salqyn uzaqqa sozylmaıdy, 20 qańtarda aıazdyń álsireýi kútiledi.
Jeksenbi kúni atmosferalyq qysym tómendeı bastap, tsıklon batystan shyǵysqa ótip, Qazaqstannyń barlyq oblystaryna tıedi. Onymen birge qar jáne jeldiń kúsheıýi, burqasyny bar bultty aýa raıy kúshine enedi, batys pen ońtústik aımaqtarda kóktaıǵaq ornaıdy.
