«Qazgıdromet» el fermerlerine arnalǵan ınternet-qosymshany iske qosty
QR Ekologııa, geologııa eáne tabıǵı resýrstar mınıstri Maǵzum Myrzaǵalıevtiń tapsyrmasy boıynsha ázirlengen ınternet-qosymsha sharýa jáne fermer qojalyqtaryna, sondaı-aq Qazaqstannyń barlyq múddeli azamattaryna agrometeorologııalyq qyzmetter kórsetýge arnalǵan.
AgroData kez kelgen qurylǵydan tegin paıdalanýǵa bolady. Ortalyq Azııada mundaı servıstiń balamasy joq.
«Bıylǵy qazan aıynan bastap fermerler naqty aqparatty jáne boljamdardy onlaın rejımde kóre alady. Qosymshada aýa raıy boljamdary, egis egýge jaıly kúnder týraly, sondaı-aq topyraqtaǵy ylǵal qory jáne ósimdik sharýashylyǵynda sheshim qabyldaý úshin ózge de mańyzdy aqparattar bar. Barlyq málimet qarapaıym jáne qoljetimdi túrde https://agrodata.kz siltemesi boıynsha usynylǵan.
Jaqyn arada qosymsha pýnkter boıynsha 3 saǵattyq aýa raıy boljamdarymen tolyqtyrylatyn bolady. Sondaı-aq ony jetildirý boıynsha paıdalanýshylardan usynystar kútemiz», - delingen Qazgıdromet aqparatynda.