Qazgıdromet: Demalys kúnderi elordada aýa temperatýrasy +35 gradýsqa deıin kóteriledi
NUR-SULTAN. QazAqparat - Qazaqstan aýmaǵyn qamtyǵan anomaldy jylý aldaǵy demalys kúnderi saqtalady. Keıbir óńirlerde aýa temperatýrasy 45 gradýsqa deıin, al Nur-Sultanda termometr +35 gradýsqa deıin kóteriledi, dep habarlaıdy elorda ákimdiginiń resmı saıty «Qazgıdromet» RMK-ǵa silteme jasap.
Aldaǵy demalys kúnderi, ıaǵnı 3-5 shildede respýblıkanyń soltústiginde, soltústik-batysynda, ortalyǵynda atmosferalyq frontaldy bólikterdiń ótýine baılanysty ótkinshi jańbyr jaýyp, kún kúrkireıdi.
Respýblıkanyń soltústiginde, soltústik-batysynda, batysynda jáne ortalyǵynda aýa temperatýrasy túnde +15+23 gradýs, kúndiz termometrler +35+40 gradýs bolady.
Elimizdiń shyǵysynda aýa temperatýrasy túnde +12+20℃ +17+25°S, kúndiz +27+35℃ +30+38°S, al ońtústik-batysta, Qazaqstannyń ońtústiginde túngi temperatýra +20+28°S, kúndiz +35+45°S bolady.
