«Qazgıdromet»: búgin elimizdiń eshbir qalasynda aýa sapasy tómendemeıdi

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2025 jylǵy 10 jeltoqsanda Qazaqstan aýmaǵy boıynsha qolaısyz meteorologııalyq jaǵdaılar kútilmeıdi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta ketsek, «Qazgıdromet» RMK 9 jeltoqsanda Qazaqstan aýmaǵynda qolaısyz meteorologııalyq jaǵdaılar bolmaıtynyn habarlaǵan.

Al 10 jeltoqsan kúni birqatar óńirde tuman túsip, kóktaıǵaq bolatyny eskertildi.