Qazgıdromet búgin el aýmaǵynda jel soǵyp, jańbyr jaýatynyn eskertti

ASTANA. KAZINFORM — «Qazgıdromet» RMK el aýmaǵynda 23 maýsymda bolatyn qaýipti meteorologııalyq qubylystarǵa boljam jasady.

Sınoptıkterdiń málimetinshe, el aýmaǵynyń basym bóliginde áli de turaqsyz aýa raıy saqtalýda, atmosferalyq fronttardyń ótýinen naızaǵaı oınap, jańbyr jaýady, eldiń batysynda qatty jańbyr, daýyl, burshaq kútiledi. Sondaı-aq respýblıka boıynsha jel kúsheıedi.

«Kúndiz Abaı, Jetisý, Ulytaý, Almaty, Jambyl oblystarynda qatty ystyq saqtalady, Pavlodar, Qaraǵandy oblystarynda qatty ystyq kútiledi.

Aqtóbe, Almaty oblystarynda, Ulytaý oblysynyń soltústiginde, shyǵysynda, Abaı oblysynyń soltústiginde, Qaraǵandy oblysynyń batysynda, ortalyǵynda, Batys Qazaqstan oblysynyń soltústiginde, ortalyǵynda, Aqmola oblysynyń batysynda, Shyǵys Qazaqstan oblysynyń ońtústiginde, Mańǵystaý oblysynyń batysynda, soltústik-shyǵysynda, Jetisý oblysynyń soltústiginde, shyǵysynda, Pavlodar oblysynyń shyǵysynda, ortalyǵynda joǵary órt qaýpi saqtalady, Atyraý oblysynyń batysynda joǵary órt qaýpi bolady», — dep jazdy mamandar.

Atyraý, Túrkistan, Jambyl, Qyzylorda oblysynda, Almaty oblysynyń soltústik jartysynda, Ulytaý oblysynda, Batys Qazaqstan oblysynyń ońtústiginde, Aqtóbe oblysynyń batysynda, ońtústiginde, Qostanaı, Qaraǵandy oblystarynyń ońtústiginde jáne Abaı oblysynda, Jetisý oblysynyń shyǵysynda, Mańǵystaý oblysynyń soltústiginde, ońtústik-shyǵysynda, ortalyǵynda tótenshe órt qaýpi bar.