Qazgıdromet: Búgin Almaty men Óskemende aýa lastanady

ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady. 

— 2025 jylǵy 25 shildede qolaısyz meteorologııalyq jaǵdaılar Almaty, Óskemen qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Buǵan deıin keshe úsh qalada aýa sapasy nasharlaıtyny habarlandy.