Qazgıdromet: Búgin respýblıkanyń keı jerlerinde úsik júredi

NUR-SULTAN. QazAqparat – «Qazgıdromet» RMK-sy tamyzdyń 20-sy kúngi kún raıy boljamyn jarııalady, dep habarlaıdy QazAqparat.

Kásiporyn taratqan derekterge qaraǵanda, soltústik-batys antıtsıklonynyń yqpalymen Qazaqstannyń basym bóliginde kún jaýyn-shashynsyz bolady.

Eldiń soltústiginde, soltústik-batysynda, shyǵysynda, ońtústik-shyǵysynda jańbyr jaýady, eldiń shyǵysyndaǵy taýly aýdandarda jaýyn-shashyn (jańbyr, qar) bolady. Respýblıkanyń ońtústik-shyǵysyndaǵy taýly aýdandarda burshaq jaýady.

Respýblıkanyń keı jerlerinde jel kúsheıip, soltústikte, soltústik-batysta, ortalyqta, eldiń shyǵysynda túnde jáne tańerteń tuman túsedi, soltústikte, shyǵysta, respýblıkanyń ortalyǵynda túnde topyraq betinde 2 gradýsqa deıin úsik júredi.

Kúndiz Mańǵystaý oblysynyń basym bóliginde qatty ystyq bolady.

Qyzylorda, Túrkistan oblysynyń ońtústiginde, shyǵysynda, Mańǵystaý oblysynyń ońtústiginde, Besqaraǵaı aýdanynda Abaı oblysynyń tótenshe órt qaýpi saqtalady.