Qazgıdromet: Búgin respýblıkanyń basym bóliginde kún ashyq bolady
NUR-SULTAN. QazAqparat – 8 qazan kúni Qazaqstannyń basym bóligine antıtsıklon yqpal etip, kún jaýyn-shashynsyz bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
8 qazan kúni respýblıkanyń tek batysynda, ońtústik-shyǵysynda jáne ońtústiktiń taýly aımaqtarynda atmosferalyq frontaldy bólikterdiń ótýine baılanysty jańbyr jaýyp, naızaǵaı oınaıdy.
Keı jerlerde respýblıka boıynsha tuman túsip, ońtústikte jáne ońtústik-shyǵysta jeldiń jyldamdyǵy sekýndyna 15-20 metrge jetedi.
Batys Qazaqstan, túnde Atyraý, tańerteń Soltústik Qazaqstan oblystarynyń keı jerlerine tuman túsedi.
Almaty oblysynyń Jalańashkól aýdanynda, kúndiz Túrkistan oblysynyń keı jerlerinde jel 15-20 m/s jyldamdyqpen uıtqıdy.
Túrkistan oblysynyń basym bóliginde, Qyzylorda oblysynyń shyǵysynda, Jambyl oblysynyń soltústik-batysynda, Qaraǵandy oblysynyń batys jáne ońtústik-shyǵys bóliginde, Batys Qazaqstan oblysynyń ońtústik-shyǵysynda, Shyǵys Qazaqstan oblysynyń soltústik-shyǵys bóliginde óte joǵary órt qaýipi saqtalady.
