«Qazgıdromet» búgin Qazaqstannyń birqatar aımaǵynda aýa raıynyń buzylatyny týraly eskertý jasady
STANA. Naýryzdyń 27-si. QazAqparat - Qazaqstannyń gıdrometeorologııalyq qyzmeti búgin, naýryzdyń 27-si kúni Qazaqstannyń birqatar aımaǵynda aýa raıynyń buzylatyny jaıynda eskertý jasady.
Máselen, senbi kúni kúndiz jáne túnde Aqmola oblysynyń keı aýmaqtarynda qar jaýyp, burqasyn jáne kóktaıǵaq bolady dep kútilýde. Soltústik-batystan sekýndyna 17-22 metr jyldamdyqpen soqqan jeldiń ekpini 27 metrge deıin jetýi yqtımal.
Ekpini 30 m/s-qa deıin jetetin kúshti jel sondaı-aq, túnde Soltústik Qazaqstan, Aqmola jáne Pavlodar oblystarynda da kútilýde.
Astana qalasynda kúndiz jáne túnde keı ýaqyttary qar jaýyp, jaıaý borasyn júredi. Soltústik-batystan 17-22 m/s jyldamdyqta jel turady.
Sonymen qatar «Qazgıdromettiń» boljaýynsha, aldaǵy eki táýlikte (naýryzdyń 27-28) kútilip otyrǵan qatty jaýynǵa baılanysty, Ońtústik Qazaqstan, Jambyl jáne Almaty oblystarynyń taý ózenderinde erigen qar men jańbyrdyń sýynan tasqyn bolýy yqtımal.
