Qazgıdromet: Búgin elimizdiń shyǵys óńirinde shańdy daýyl soǵady
ASTANA. QazAqparat - Atmosferalyq aýa aǵymynyń basym bolýyna baılanysty elimizdiń kóptegen aımaqtarynda kún kúrkirep, jańbyr jaýady, dep kútilýde dep habarlaıdy «Qazgıdromet» RMK.
Kóptegen jerlerde jel kúsheıip, Shyǵys Qazaqstanda shańdy daýyl bolady. Aqmola, Qostanaı, Qaraǵandy, Shyǵys Qazaqstan, Jambyl, Mańǵystaý oblystarynda, al kúndiz Soltústik Qazaqstan, Ońtústik Qazaqstan, Qyzylorda, Shyǵys Qazaqstan, Atyraý oblystarynyń keı jerlerinde jeldiń ekpini sekýndyna 15-20 metrge deıin jetedi. Sondaı-aq «Qazgıdromet» RMK aldaǵy táýlikterde Petropavl qalasynan tómendegi Esil ózeninde kóktemgi sýdyń jaıylýy artyp, sýdyń tasýy men sý deńgeıiniń kóterilýi saqtalatynyn eskertedi. Al respýblıkamyzdyń ońtústik, ońtústik-shyǵys jáne shyǵys óńirlerinde sý kólemi kóbeıedi.
