Qazgıdromet: Búgin elimizdiń basym bóliginde jel kúsheıip, kóktaıǵaq bolady
NUR-SULTAN. QazAqparat – Qazaqstannyń basym bóligine Qara teńiz aımaqtarynan jyljyǵan tsıklon men onymen baılanysty atmosferalyq aǵyndar áser etedi, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan aqparattarǵa qaraǵanda, Qazaqstan Respýblıkasynyń basym bóligine jaýyn-shashyn jáne qar aralas jańbyr jaýady. Keı jerlerge tuman túsip, kóktaıǵaq bolady, jel kúsheıip, burqasyn bolýy yqtımal.
Aqmola, Qaraǵandy oblystarynyń keı jerlerinde burqasyn bolyp, tuman túsedi, jeldiń jyldamdyǵy sekýndyna 15-20 metrge jetedi.
Qaraǵandy oblysynyń keı jerlerinde kóktaıǵaq bolýy múmkin.
Shyǵys Qazaqstan, Qostanaı oblystarynyń keı jerlerinde jaıaý burqasyn bolyp, tuman túsedi, jeldiń jyldamdyǵy sekýndyna 15-20 m/s bolady.
Shyǵys Qazaqstan oblysynda, kúndiz Jarmınskıı aýylynda jeldiń jyldamdyǵy sekýndyna 25 m/s jetýi yqtımal.
Jambyl, Qyzylorda, Atyraý, Batys Qazaqstan, Pavlodar oblystarynyń keı jerlerinde tuman túsip, kóktaıǵaq bolady.
Jambyl, Pavlodar oblystarynyń keı jerlerinde jel 15-20 m/s jyldamdyqpen uıtqıdy.
Túrkistan, Mańǵystaý, Soltústik Qazaqstan oblystarynyń keı jerlerinde tuman bolady.
Soltústik Qazaqstan oblysynyń keı jerlerinde burqasyn bolyp, kúndiz jel 15-20 m/s jyldamdyqpen soǵady.
Almaty oblysynyń Jalańashkól aýdanynda jel 17-22 m/s-qa kúsheıedi.
