Qazgıdromet: Búgin elimizdiń basym bóliginde aýa raıy qubylmaly
ASTANA. QazAqparat - Qazaqstanda qazannyń 20-sy kúni aýa raıy burynǵysynsha qubylmaly bolady.
Jaýyn jaýyp, tek eldiń batysynda jáne ońtústiginde ǵana kún ashyq. Keı jerlerde jel kúsheıip, tuman túsip, kóktaıǵaq bolyp, tipti boran da soǵady. Bul týraly QazAqparat «Qazgıdromet» RMK-na silteme jasaı otyryp habarlaıdy.
«Qazgıdromet» málimetterine qaraǵanda, Soltústik Qazaqstan, Qaraǵandy, Shyǵys Qazaqstan oblystarynyń keı jerlerine tuman túsip, kóktaıǵaq bolyp, jeldiń jyldamdyǵy sekýndyna 15-20 metrge jetedi. Shyǵys Qazaqstan oblysynda boran soǵady.
Aqmola oblysynyń birqatar aýmaqtarynda tuman túsip, túnde boran soǵady, kóktaıǵaq bolyp, kúndiz jeldiń jyldamdyǵy sekýndyna 15-20 metrge jetedi.
Almaty oblysynyń keı jerlerinde tuman túsip, jeldiń jyldamdyǵy 15-20 m/s-qa jetedi. Qostanaı oblysynyń basym bóliginde jel sekýndyna 15-20 metr jyldamdyqpen uıtqıdy. Keı jerlerge tuman túsedi.
Qyzylorda, Atyraý, Batys Qazaqstan, túnde Pavlodar oblystarynyń birqatar aýmaqtarynda tuman túsedi.
Jambyl oblysynda túnde jáne tań ata keı jerlerde jel sekýndyna 15-20 metr jyldamdyqpen esedi, ekpini 23 metrge jetedi.
Jambyl oblysynda túnde qazannyń 20-21 kúnderi birqatar aýmaqtarda 1-3 gradýs aralyǵynda úsik júredi.
