Qazgıdromet: Búgin elimizdiń 4 oblysynda kún qatty ysıdy
NUR-SULTAN. QazAqparat - Maýsymnyń 26-sy kúni respýblıkanyń basym bóliginde atmosferalyq aǵyndardyń ótýine baılanysty aýa raıy qubylmaly bolady, dep habarlaıdy QazAqparat «Qazgıdromet» RMK-na silteme jasap.
Kásiporyn taratqan málimetterge qaraǵanda, maýsynyń 26-sy kúni respýblıkanyń keı aımaqtarynda naızaǵaı oınap, jańbyr jaýady, jel kúsheıip, burshaq jaýýy yqtımal.
Qazaqstannyń Soltústik óńirleriniń keı jerlerinde tuman túsedi, elimizdiń tek ońtústiginde, ońtústik-shyǵysynda jáne shyǵysynda ǵana aýa raıy jaýyn-shashynsyz bolady.
Aqmola oblysynyń keı jerlerinde daýyl turyp, jel 15-20 m/s jyldamdyqpen esedi, burshaq jaýýy yqtımal, túnde jáne tańerteń tuman túsedi.
Soltústik Qazaqstan, Batys Qazaqstan oblystarynyń keı jerlerinde daýyl turyp, jel 15-20 m/s jyldamdyqpen esedi, burshaq jaýyp, SQO-nyń keı jerlerinde tuman túsedi.
Pavlodar oblysynyń keı jerlerinde tańerteń jáne kúndiz daýyl turyp, burshaq jaýýy yqtımal, túnde jáne tańerteń tuman túsedi. kúndiz keı jerlerde jeldiń jyldamdyǵy sekýndyna 15-20 metrge jetedi.
Qostanaı oblysynyń keı jerlerinde de daýyl turyp, jeldiń jyldamdyǵy sekýndyna 15-20 metrge jetedi. Kúndiz burshaq jaýýy yqtımal.
Atyraý, kúndiz Qyzylorda, Mańǵystaý, Aqtóbe, Qaraǵandy oblystarynyń keı jerlerinde jel 15-23 m/s jyldamdyqpen soǵady. Kúndiz Qyzylorda, Mańǵystaý oblystarynyń keı jerlerinde shańdy daýyl turyp, Aqtóbe oblysynda kúndiz burshaq jaýýy yqtımal. Kúndiz Túrkistan, Qyzylorda, Pavlodar, Qaraǵanda oblystarynyń keı jerlerinde kún qatty ysıdy.
Qyzylorda, Túrkistan, Atyraý oblysynyń basym bóliginde, Batys Qazaqstan, Aqtóbe oblysynyń keı jerlerinde, Qostanaı, Almaty, Jambyl oblystarynda órt qaýipi saqtalady.
