Qazgıdromet búgin 6 oblysta úsik júretinin eskertti

ASTANA. QazGıdromet - Qazgıdromet el aımaqtarynda 30 sáýirde bolatyn qaýipti meteorologııalyq qubylystarǵa boljam jasady, dep habarlaıdy QazAqparat.

«Atmosferalyq frontaldy bólimderdiń ótýimen respýblıkanyń ońtústiginde, ońtústik-shyǵysynda, shyǵysynda jańbyr jaýady, ońtústiginde, ońtústik-shyǵysynda naızaǵaı oınaıdy. Al Qazaqstannyń basym bóliginde Soltústik antıtsıklon kirýimen jaýyn-shashynsyz aýa raıy kútiledi. El boıynsha jeldiń kúsheıýi, soltústiginde - tuman, ońtústiginde shańdy daýyl kútiledi», - dep jazdy sınoptıkter.

Túnde Aqmola, Pavlodar, Soltústik Qazaqstan, Qostanaı oblystarynyń soltústiginde 1-7 gradýs úsik, Qaraǵandy, Ulytaý oblystarynda topyraq betinde 1-3 gradýsqa deıin úsik kútiledi.