Qazgıdromet boljamy: Aldaǵy úsh kúnde qalyń qar jaýyp, soltústikte kún sýytady
NUR-SULTAN. QazAqparat – «Qazgıdromet» RMK-sy jeltoqsannyń 29-31 aralyǵynda bolatyn aýa raıyna boljamyn jarııa etti, dep habarlaıdy QazAqparat.
Kásiporyn taratqan málimetterge qaraǵanda, aldaǵy úsh táýlikte Qazaqstan aýmaǵynda atmosferalyq protsester jyldam aýysady.
Jylý men ylǵaldyń mol qory men Atlantıkalyq tsıklon Qazaqstannyń basym bóliginde qardyń mol túsýine, burqasyn soǵyp, jeldiń kúsheıýine jáne aýa temperatýrasynyń qysqa merzimdi kóterilýine ákeledi.
Biraq 30 jeltoqsanda tsıklonnyń artýynan Arktıka aýdandarynan sýyq aýa massalary keledi. Onymen birge jaýyn-shashyn birtindep toqtap, aýa temperatýrasy aıtarlyqtaı tómendeıdi. Soltústikte túnde temperatýra 30-38 gradýsqa deıin tómendeıdi. Respýblıka boıynsha keı jerlerde tuman túsedi.
