Qazgıdromet BQO-da órt qaýpi kúsheıetinin eskertti
ORAL. QazAqparat - Batys Qazaqstan oblysynda órt qaýpiniń kúsheıetini jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimeti boıynsha 20 maýsymnan bastap kúnniń jaýyn-shashynsyz bolyp, qatty ysýyna baılanysty óńirde V dárejeli tótenshe joǵary órt qaýpi saqtalady.
Mundaı kezde órt joǵary temperatýranyń áserimen kez kelgen ot kózderinen paıda bolady. Ot tez tutanyp, áp-sátte jaıylýy yqtımal.
Osyǵan baılanysty, BQO TJ departamenti turǵyndar arasynda tótenshe jaǵdaılardy boldyrmaý jáne ómirlik mańyzy zor nysandar qyzmetin, elektr men baılanys jelileriniń úzilmeýin qamtamasyz etý baǵytynda tıisti sharalar alynyp jatqandyǵyn jetkizdi.
