Qazgıdromet bıylǵy sý tasqynyn durys boljaı almady - vıtse-mınıstr Ilın
ASTANA. QazAqparat - QR Іshki ister vıtse-mınıstri ıÝrıı Ilınniń aıtýynsha, Qazgıromettiń qurylymdary naqty boljam bere almady, dep xabarlaıdy QazAqparat tilshisi.
"Bálkim, gıdrometeo beketterdiń azdyǵyna baılanysty olar naqty boljam bere almady. Osy jańa ǵana bir jınalys boldy. Sol jerde Qazgıdromet birqatar aımaqtar boıynsha túsken qar men aýa temperatýrasyna baılanysty qate boljamdardyń jasalǵanyn moıyndady. Osyǵan baılanysty sý tasqynyna qatysty boljamdar da durys jasalmaǵan shyǵar", - dedi Ilın búgin Astanada ótken baspasóz máslıxatynda.
Aıta keteıik , búgingi brıfıngte vıtse-mınıstr bir aptanyń ishinde Jabaı ózenindegi sýdyń deńgeıi tómendeıtinin jetkizdi. Sondaı-aq ol mınıstr Qalmuxambet Qasymovtyń Atbasar kentindegi sý toǵanynyń buzylýyna baılanysty qylmystyq isti qozǵaýdy tapsyrǵanyn málimdedi. Al Qaraǵandy oblysynda aldaǵy on kúnde sý tasqynynyń beti qaıtady degen boljam bar .
