Qazgıdromet bıylǵy eń tómengi temperatýra tirkelgen óńirdi atady

"Bıyl qańtar aıynda aýanyń ortasha aılyq temperatýrasy mınýs 1...9 °S kórsetti. Arktıkadan engen sýyq antıtsıklonnyń áseri, ásirese qańtar aıynyń úshinshi onkúndiginde baıqaldy, bul kezde aýa temperatýrasy túnde elimizdiń ońtústiginde 31°S, ońtústik-shyǵysta - 38°S, soltústik-shyǵysta - 35°S, ortalyqta - 40°S, soltústikte - 42°S, shyǵysta - 45°S,batysta - 24°S-qa deıin tómendedi. Astana qalasy boıynsha 22 qańtarda 38°S aıaz bolsa, respýblıka boıynsha eń tómengi temperatýra - 45°S aıaz Shyǵys-Qazaqstan oblysy Dmıtrıevka meteostantsııasynda tirkeldi", - dep jaýap berdi "Qazgıdromet" RMK baspasóz qyzmeti "QazAqparattyń" resmı saýalyna.

Sonymen birge, Qazgıdromet qarly borandar men qatty qystyń bizdiń klımat úshin úırenshikti ekenin atap ótti. Meteorologııalyq baqylaýlardyń búkil tarıhynda (1848 jyldanbastap) aýa temperatýrasy soltústikte, ortalyqta jáne ońtústik-shyǵysta mınýs 50°S deıin tómendegen, shyǵysta mınýs 54°S, batysta jáne ońtústikte mınýs 44°S-qa deıin sýytqan. Bul - absolıýttik mınımým temperatýralar. Astanadaǵy eń tómengi aýa temperatýrasy -  mınýs 51,6°S (1893 j.),al Almatyda mınýs 37,7°S (1951 j.) quraǵan.

"Eń jyly qys aılary (qantar-aqpan) Qazaqstan boıynsha 2002 jáne 2007 jyldary baıqalǵan. Bul kezde Astana qalasy boıynsha aýa temperatýrasy qantar aıynda 3,4 °S deıin, al aqpan aıynda 4,1°S deıin kóterilgen. Al kúnniń absolıýttik maksımýmy 2015 jyly 8 qantarda bolǵan. Bul kezde aýa temperatýrasy 3.8 ° C deıin joǵarylaǵan", - delingen jazbasha jaýapta.

Jaz aılaryna keler bolsaq, absolıýttik maksımým Qazaqstan boıynsha Ońtústik Qazaqstan oblysynyń Qyzylqum meteostantsııasynda baıqalǵan, onda 1995 jyly 1 shildede aýa temperatýrasy 51,0°S deıin kóterilgen. Astanada 1936 jyly 22 shildede 41,6 ° C, Almatyda 1983 jyly 31 shildede 43,4 ° C boldy. Absolıýttik mınımým elordamyz Astanada mınýs 2.3 ° C (1929 j. 26 tamyzda), Almatyda - plıýs 2.0 ° C (8 maýsym 1927 j.) tirkelgen.

Foto: postupi.online