Qazgıdromet birqatar óńirde qant qyzylshasy men júgeri bitik shyǵatynyn boljady

NUR-SULTAN. QazAqparat - Kásiporynnyń málimetinshe, bul - ázirge synaqtama boljam. Atalmysh daqyldardyń boljamdy modeli 2020 jyldan bastap qana engizilgen jáne ol óndiristik synaqtan ótip jatyr, dep habarlaıdy QazAqparat.

Alynǵan esepke sáıkes, osy maýsymda júgeri ónimdiligi Almaty, Jetisý, Jambyl jáne Túrkistan oblystarynda negizinen ortasha kópjyldyq mánnen joǵary bolady dep kútilip otyr.

Al Almaty, Jetisý jáne Jambyl oblystarynda qant qyzylshasynyń ónimdiligi kópjyldyq mánnen joǵary bolady degen boljam bar.

Boljam egistikke vegetatsııalyq sýarý normasyna saı sý berilgen jaǵdaıdy eskere otyryp ázirlendi.

Al eger kókónis daqyldaryn vegetatsııalyq sýarý normasy men merzimi saqtalmasa, onda túsim boljamǵa qaraǵanda az bolýy múmkin.

Esterińizge sala keteıik, búkil boljamdar QR Aýyl sharýashylyǵy mınıstrligine udaıy usynylyp otyrady.

Foto: QR Aýyl sharýashylyǵy mınıstrliginiń baspasóz qyzmeti