«Qazgıdromet» basshysy Tótenshe jaǵdaılar komıtetiniń synyna jaýap berdi
NUR-SULTAN. QazAqparat - «Qazgıdromet» RMK basshysy Marat Qynatov QR ІІM Tótenshe jaǵdaılar komıtetiniń tóraǵasy Vladımır Bekkerdiń synyna jaýap berdi, dep habarlaıdy QazAqparat tilshisi.
M.Qynatovtyń aıtýynsha, elimizdiń Tótenshe jaǵdaılar komıteti 2018 jyldan beri «Qazgıdrometpen» birge jyra, alqap, orman alqabtaryn aralap shyǵý jumystaryn qolǵa alǵan. Al bul bastamany «Qazgıdromet» kóterip, TJK 4 aı ótkennen keıin ǵana ortaq buıryqqa qol qoıýǵa kelisken.
«Sınoptıkalyq boljam máselelerine qatysty aıtar bolsam, 31 naýryzda Kókshetaý qalasynda 15 sm emes, «Qazgıdromet» boljamyna sáıkes birqalypty, 4 mm aralas (jańbyr, qar) jaýyn-shashyn jaýdy. Jaýyn-shashyn tek bir jerge jaýmaıdy. Olar tsıklondardyń yǵysý traektorııasy boıynsha jaýady. Dıametri 500-3000 shaqyrymǵa jetetin aýa raıy jaǵdaıyn anyqtaıtyn sınoptıkalyq protsester tsıklon/antıtsıklondardyń yqpalyna baılanysty», - dedi ol.
Onyń atap ótýinshe, turaqsyz aýa raıyn (qatty jaýyn-shashyn, jel, temperatýranyń tez túsýi jáne t.b.) anyqtaý deńgeıi 7 kúnge deıingi aralyqta quraıdy. Sondyqtan ýaqytyn, ornyn jáne tsıklonnyń týyndaý aralyǵyn anyqtaýǵa arnalǵan bir aılyq boljamdar tómengi dáldikke ıe. Al vedomstvonyń Gıdromet ortalyǵynda 1, 3 jáne 7 kúnge boljam (tıisinshe 96% - 91%) joǵary deldikpen biriledi.
«Ókinishke oraı atmosferalyq protsesterdi, aýa raıy boljamyn jasaýdyń kúrdeli ózgeshiligin túsinbeý Vladımır Bekkerdiń «Qazgıdromet» boljamdaryna qatysty qate pikirge túrtki bolyp otyr. 2018 jyldan bastap 2019 jyldyń 4 sáýirine deıin V.Bekkermen iskerlik kezdesýler barysynda «Qazgıdromet» boljamdaryna narazylyq bildirý bolmaǵan. TJK basshylyǵyn gıdrologııalyq boljaý jáne aýa raıyn boljaý boıynsha jumystyń ózgeshiligimen tanysýǵa shaqyramyn», - dedi M.Qynatov.
