Qazgıdromet aýa raıynyń buzylatyny týraly eskertý jasady
ASTANA. 21 aqpan. QazAqparat /Janna Qorqytova/ - Búgin, 21 aqpanda «Qazgıdromet» RMK aýa raıynyń buzylatyny týraly eskertý jarııalady,
dep habarlaıdy QR TJM baspasóz qyzmeti.
«Aldaǵy táýlikte (22 aqpan) kútilip otyrǵan qatty jaýyn-shashynǵa baılanysty Ońtústik Qazaqstan oblysynyń taý bókterlerindegi ózenderde sý tasýy yqtımal», - delingen jedel aqparatta. Soltústik oblystarda sýyq týraly eskertý 2011 jyldyń 17 aqpanynan beri kúshin joǵaltpaı otyr.
«Astana qalasynda 19-22 aqpan aralyǵynda aýa raıy 28-33 gradýs aıazǵa deıin tómendeıdi dep kútilýde. Sonymen qatar Aqmola, Pavlodar, Soltústik Qazaqstan, Qaraǵandy jáne Qostanaı oblystarynda aıaz 30-35 gradýsqa deıin jetedi dep kútilýde», - dep habarlaıdy Qazgıdrometke silteme jasaǵan TJM baspasóz qyzmeti.
