Qazgıdromet aýa raıyna baılanysty birqatar óńirde eskertý jarııalady

ASTANA. KAZINFORM —  «Qazgıdromet» RMK sınoptıkteri 6 maýsymda eldiń basym bóliginde qolaısyz aýa raıyna baılanysty eskertý jasady. 

Abaı oblysynyń ońtústiginde kúndiz aptap ystyq 36 gradýs bolady. Oblystyń batysynda, shyǵysynda jáne ortalyǵynda joǵary órt qaýpi saqtalady, al ońtústiginde tótenshe órt qaýpi saqtalady.

Aqmola oblysynyń batysy men soltústiginde kúndiz naızaǵaı oınap, burshaq jaýady. Jel ońtústik-batystan soltústik-batysqa aýysyp, batysy men soltústiginde ekpini 15-20 m/s bolady. Batys, ońtústik jáne ortalyq óńirlerde joǵary órt qaýpi saqtalady.

Almaty oblysynyń taýly aýdandarynda kúndiz naızaǵaı bolady. Kúndiz 35, soltústiginde 38 gradýs aptap ystyq bolady. Oblys boıynsha joǵary, al soltústik pen batysynda tótenshe órt qaýpi saqtalady.

Aqtóbe oblysynyń soltústigi, batysy jáne ońtústik-shyǵysynda kúndiz naızaǵaı kútiledi. Oblys boıynsha joǵary, al ońtústik, batys jáne ońtústik-shyǵysynda tótenshe órt qaýpi saqtalady.

Atyraý oblysynyń batysy men soltústiginde naızaǵaı kútiledi. Jel túnde batysy men soltústiginde soltústik-batystan ońtústik-batysqa aýysyp, ekpini 15-20 m/s bolady. Soltústik-batys pen shyǵysynda joǵary, al ońtústik, batys jáne soltústiginde tótenshe órt qaýpi saqtalady.

Shyǵys Qazaqstan oblysynyń soltústigi men shyǵysynda kúndiz naızaǵaı kútiledi. Soltústik-batystan soǵatyn jeldiń ekpini 15-20 m/s jetedi. Batysy men ońtústik-shyǵysynda joǵary órt qaýpi saqtalady.

Jambyl oblysynyń taýly aýdandarynda naızaǵaı kútiledi. Tańerteń jáne kúndiz jel soltústik-shyǵystan ońtústik-batysqa aýysyp, ońtústik-batys, soltústik-shyǵys jáne taýly aýdandarda 15-20 m/s, ekpini 25 m/s deıin jetedi. Kúndiz aptap ystyq – 42 gradýs. Oblys boıynsha joǵary, al batysy, shyǵysy jáne taýly aýdandarynda tótenshe órt qaýpi saqtalady.

Batys Qazaqstan oblysynyń batysy men soltústiginde qatty jańbyr, burshaq jáne daýyl kútiledi. Túnde jáne kúndiz naızaǵaı bolady. Jel soltústik-shyǵystan soǵyp, batysy, soltústigi jáne shyǵysynda ekpini 15-20 m/s deıin jetedi. Oblys boıynsha joǵary órt qaýpi saqtalady.

Qaraǵandy oblysynda jel soltústik-shyǵystan, shyǵystan soǵyp, tańerteń jáne kúndiz batysy men ońtústiginde ekpini 15-18 m/s bolady. Kúndiz ońtústiginde 35-36 gradýs aptap ystyq kútiledi. Batys, shyǵys jáne ońtústiginde joǵary órt qaýpi saqtalady.

Qostanaı oblysynyń batysy, soltústigi jáne ortalyǵynda naızaǵaı men burshaq kútiledi. Túnde jáne tańerteń batysy men soltústiginde tuman bolady. Jel soltústik-shyǵystan soǵyp, kúndiz batysy, soltústigi jáne ortalyǵynda ekpini 15-20 m/s deıin jetedi. Ońtústik-shyǵys jáne soltústik-batysynda joǵary, al ońtústiginde tótenshe órt qaýpi saqtalady.

Qyzylorda oblysynyń soltústigi men ortalyǵynda naızaǵaı, daýyl jáne shańdy daýyl kútiledi. Jel shyǵystan ońtústik-batysqa aýysyp, ekpini 15-20 m/s jetedi. Tótenshe órt qaýpi saqtalady.

Mańǵystaý oblysynyń batysy, soltústigi jáne ortalyǵynda naızaǵaı kútiledi. Jel soltústik-batystan soǵyp, batys, ońtústik jáne ortalyǵynda ekpini 15-20 m/s jetedi. Oblys boıynsha joǵary, batysy, ońtústigi jáne soltústik-shyǵysynda tótenshe órt qaýpi saqtalady.

Pavlodar oblysynyń batysy men soltústiginde naızaǵaı kútiledi. Soltústik-batysy, ońtústik-shyǵysy jáne ortalyǵynda joǵary órt qaýpi saqtalady.

Soltústik Qazaqstan oblysynyń shyǵysynda túnde, al batysy men soltústiginde kúndiz naızaǵaı, burshaq kútiledi. Túnde jáne tańerteń shyǵysynda tuman túsedi. Jel soltústik-batystan soǵyp, batys, soltústik jáne shyǵysynda ekpini 15-20 m/s deıin jetedi.

Túrkistan oblysynyń ońtústigi men taýly aýdandarynda naızaǵaı, al batysy men soltústiginde shańdy daýyl kútiledi. Jel ońtústik-batystan soǵyp, batys, soltústik, ońtústik jáne taýly aýdandarda 15-20 m/s, kúndiz ekpini 23 m/s jetedi. Ortalyǵynda joǵary, al soltústik, batys, ońtústik jáne taý etekterinde tótenshe órt qaýpi saqtalady.

Ulytaý oblysynyń batysy men ońtústiginde naızaǵaı kútiledi. Jel soltústik-shyǵystan, shyǵystan soǵyp, kúndiz batysy, ońtústigi jáne ortalyǵynda ekpini 15-20 m/s jetedi. Kúndiz 35-38 gradýs aptap ystyq bolady. Oblys boıynsha joǵary, al ońtústiginde tótenshe órt qaýpi saqtalady.