Qazgıdromet Astanaǵa jaýǵan qardyń qalypty ekenin aıtýda
ASTANA. QazAqparat - Astanaǵa jaýǵan qalyń qardan esh aýytqýshylyq kórip otyrǵan joqpyz, dep málimdedi Qazgıdromet.
«2016 jyly 1-14 qarasha kúnderi Astanaǵa 31,8 mm qar jáne jaýyn-shashyn tústi. Qarasha aıynyń normasy - 28 mm. Alaıda, bul kórsetkish Aqmola óńiri úshin esh aýytqýshylyq bolyp sanalmaıdy, dúrligýdiń qajeti joq», - dedi «Qazgıdromet» RMK.
Sınoptıkterdiń habarlaýynsha, qazir eldiń soltústigi pen shyǵysyndaǵy aýa raıy turaqsyz, qar jaýyp, boran soǵady jáne jel kúsheıedi. 2016 j. 15 qarashadan bastap, QR soltústik óńirlerinde qar toqtaıdy, al shyǵysynda áli de jaýýy múmkin.
Erterekte habarlanǵandaı, aldaǵy úsh táýlikte Qazaqstannyń soltústigindegi aýa raıy jaýyn-shashynsyz, biraq sýyq bolmaq, túngi aýa temperatýrasy 20...27ºS, keı jerlerde 30ºS deıin aıaz bolady dep kútilýde.
Qazaqstannyń ońtústigi men ońtústik-shyǵysynda jaýyn-shashyn, qar jaýýy múmkin, shyǵys jeli men boran kútilýde. Túngi temperatýra 5-15ºS deıin tómendeıdi. Bul Qazaqstannyń barlyq aýmaǵyndaǵy 5-13ºS deıingi eń tómengi klımattyq norma.
