Qazgıdromet Astanadaǵy aýasy qatty lastanǵan jerlerdi atady
ASTANA. QazAqparat - «Qazgıdromet» RMK zerthana basshysy Dana Amanbaevanyń aıtýynsha, elordanyń aýasy «ortasha lastanǵan» deńgeıge jatady, dep habarlaıdy QazAqparat tilshisi.
«Astanada kóbinese, azot dıoksıdi, kómirsýtek oksıdi sııaqty gazdardyń mólsheri joǵary bolady. Sosyn shań-tozań kóp. Al osy kórsetkishter boıynsha aýanyń qatty lastanýy «Shapaǵat» kommýnaldyq bazary mańaıynda baıqalady. Ol jerde aýa tazalyǵyn ólsheıtin №4 beket ornalasqan. Budan bólek, Alash tas jolyndaǵy № 6 beketi («Astana tazalyq»-tyń aǵyn sýlar tundyrǵyshy mańaıynda - avt.) aýanyń qatty lastanýyn tirkep otyr», - deıdi Amanbaeva.
Onyń sózine qaraǵanda, Astananyń aýasyn, kóp jaǵdaıda, kólikter lastaıdy. Sebebi qalanyń mańaıynda iri óndiristik oryndar joq.
Aıta keteıik, búgin «Qazgıdromet» RMK Astananyń aýa tazalyǵyn baqylaıtyn fın tehnologııasyn tanystyrdy . Atalǵan qurylǵylar EKSPO-2017 kórmesinde tanystyrylǵan bolatyn. Jalpy, kórme texnologııalardyń ishinen 105 joba irikteldi .
