Qazgıdromet: Astanada úsh kún boıy qarly boran turady
ASTANA. 26 aqpan. QazAqparat - Aldaǵy úsh kún boıy elordada aýa raıy burqasyndy bolady, dep habarlady «Qazgıdromet» respýblıkalyq memlekettik kásipornynan.
Sınoptıkterdiń boljaýynsha, 27 aqpanda Astanada kún qubylmaly. Túnde qar jaýmaıdy, aýa temperatýrasy -20-22°C. Kúndiz - qar jaýyp, jel turady (-6-8 gradýs nólden tómen). Ońtústik-batystan jyldamdyǵy sekýndyna 9-14 metr jel turady, jel ekpini keıde 18 metrge deıin jetedi.
Elordanyń resmı saıtynyń jazýynsha, 28 aqpanda kún qubylmaly, burqasyndy bolady. Ońtústik-batystan soqqan jeldiń jyldamdyǵy 15-20 metrge, keıde 23 metrge deıin jetedi. Synap baǵanasy túnde -10-12 gradýsqa deıin tómendeıdi, kúndiz -2-4 gradýs sýyq.
Kóktemniń alǵashqy kúni qystyń yzǵary saqtalady. Sınoptıkter kúndiz kún qubylmaly, túnde qarly boran turady dep boljaıdy. Aýa temperatýrasy túnde -18-20 deıin tómendeıdi, kúndiz -11-13 gradýs sýyq. Ońtústik-batystan soqqan jel oqtyn-oqtyn batystan da turyp, jyldamdyǵy sekýndyna 9-14 metrge, túnde -15-20 metrge jetedi.
