Qazgıdromet: arktıkalyq sýyq jel respýblıkanyń soltústik, ortalyq jáne shyǵysyna yqpalyn saqtaýda
ASTANA. 15 qyrkúıek. QazAqparat - Búgin arktıkalyq sýyq jel óziniń yqpalyn saqtaıdy. Bul rette, respýblıkanyń soltústiginde, ortalyǵy men shyǵysynda jaýyn-shashyndy kún raıy kútiledi, dep habarlady «Qazgıdromet» RMK.
Respýblıkanyń qalǵan aýmaqtarynda aýa raıy jyly ári ashyq bolady.
Qostanaı, Soltústik Qazaqstan, Aqmola, Shyǵys Qazaqstan, Pavlodar, kúndiz Qaraǵandy oblystarynda keı jerlerde 15-20 m/s jyldamdyqpen jel soǵady. Soltústik Qazaqstan, Aqmola oblysynda túnde jáne tańerteń jekelegen jerlerde tuman bolady.
Túnde Qaraǵandy, Shyǵys Qazaqstan, Soltústik Qazaqstan oblystarynyń keı aýmaqtarynda aýa raıy 0-2 gradýsqa deıin sýytady dep kútilýde. Respýblıkanyń ońtústik, ońtústik-shyǵysyndaǵy keı óńirlerde tótenshe joǵary órt qaýpi saqtalady.
Aldaǵy 3 táýlikte eldiń ońtústik-shyǵys jáne shyǵysyndaǵy taýly ózenderde sý deńgeıiniń aýytqýy baıqalady. Qazaqstannyń qalǵan sýly nysandarynda aıtarlyqtaı ózgerister kútilmeıdi.
