«Qazgıdromet» Almatyny qalyń tuman ne sebepti basqanyn aıtty
ALMATY. QazAqparat - 4 qańtar kúni tańerteń Almatyǵa qalyń tuman túsip, jolda júrý, kórý múmkindigi qıyndady.
«QazAqparat» HAA tilshisi «Qazgıdromet» RKK Almaty fılıalynyń meteoboljam bóliminiń basshysy Svetlana Amanqulovaǵa silteme jasap habarlaýynsha, qalanyń qoıý tumannyń astynda qalýyna dymqyl aýa sebep bolǵan.
«Bizde qarasha aıynan beri qalaǵa jıi tuman túsip keledi. Aýa dymqyl, ylǵal túsisimen qalany tuman basady. Búgin tańerteń Almatyda júrý, kórý qıyndaǵany sondyqtan», - dedi ol.
Aldaǵy táýlikte keı jerlerde, ásirese, taýly aımaqta kún bultty bolady.
Jalpy Qazaqstannyń soltústiginde antıtsıklon júrip, aıaz kúsheıýi múmkin. Osyǵan baılanysty Almaty oblysynda da kún sýytýy yqtımal.
Foto: Asel Maratova, Irına ıArýnına
