Qazgıdromet Almaty oblysynda polıgondaǵy órttiń ekologııaǵa tıgizgen áserin anyqtady
NUR-SULTAN. QazAqparat - «Qazgıdromet» Almaty oblysyndaǵy polıgon órtengen jerdegi aýa synamasyn taldaýdan ótkizdi, dep habarlaıdy QazAqparat kásiporynnyń baspasóz qyzmetine silteme jasap.
«Almaty oblysynyń Іle aýdanynda qatty turmystyq qaldyqtar polıgonynda «Almaty-Óskemen» avtojolynyń mańynda órt shyqty. Oqıǵa ornyna «Qazgıdromet» RMK Almaty qalasy boıynsha fılıaly men Almaty qalalyq ekologııa departamenti qyzmetkerleri birge bardy. Ekologııa departamenti, «Taza alem» JShS jáne «Taza jer» JShS ókilderiniń qatysýymen «Qazgıdromet» RMK mamandary polıgonnyń órt shyqqan aýdanynda birneshe núktede aýa synamasyn alyp, taldaý júrgizdi» delingen habarlamada.
Jospardan tys irikteý jáne taldaý nátıjeleri boıynsha shekti ruqsat etilgen shoǵyrlaný mynadaı boldy:
- órt shyǵý oshaǵynan 1 km qashyqtyqta - kúkirt dıoksıdi boıynsha 1.02 ShRSh;
- órt shyǵý oshaǵynan 1.5 shaqyrym jerde: formaldegıd boıynsha - 1.82 ShRSh, kúkirt dıoksıdi boıynsha - 1.48 ShRSh asyp ketýi tirkelgen.
Esterińizge sala keteıik, kesheden beri Almaty oblysynda qoqys polıgony órtenip jatqanyn habarlaǵan bolatynbyz. Búgin órtti sóndirýge tikushaq jumyldyryldy.
