Qazgıdromet: Aldaǵy úsh táýlikte kún sýytady
NUR-SULTAN. QazAqparat – «Qazgıdromet» RMK-sy aldaǵy úsh kúnniń aýa raıy boljamyn jarııa etti, dep habarlaıdy QazAqparat.
Kásporyn taratqan málimetterge qaraǵanda, 2020 jylǵy 15-17 qyrkúıek aralyǵynda elimizdiń basym bóliginde jańbyr jaýyp, aýa temperatýrasy tómendeıdi.
«Qazaqstannyń basym bóligindegi aýa raıyna Kar teńizi aýdandarynan keletin tsıklon yqpal etedi. Tsıklonnyń saldarynan soltústik óńirde jáne onyń ortalyǵynda kúshti jel turady jáne jańbyr jaýady, burshaq túsýi de yqtımal. Soltústik jáne ortalyq aýdandarda aýa temperatýrasy tómendep, kúndiz 10-23 gradýsqa deıin jylıdy. Ońtústik óńirlerde keı jerlerde naızaǵaı oınaıdy»-delingen habarlamada.
