«Qazgıdromet» aldaǵy úsh kúnniń kún raıy boljamyn jarııalady
NUR-SULTAN. QazAqparat – «Qazgıdromet» RMK-sy 13-15 qańtar aralyǵyndańy kún raıy boljamyn jarııalady, dep habarlaıdy QazAqparat.
Kásiporynnyń boljamyna qaraǵanda, bıylǵy qys ázirge jyly bolyp tur. Sınoptıkalyq protsester tez ózgerip, birde aıaz, birde jylý ákelýde. Qazirdiń ózinde antıtsıklonnyń yqpalymen kún azdap yzǵarlanǵanymen onyń da beti qaıta bastady. Al batystan tsıklon tez qozǵalýda. Ol elimiz arqyly jyljyp, 15 qańtar kúni Qazaqstannyń barlyq oblystaryn qamtıdy. Atalmysh tsıklon ózimen birge jańbyr men qar, ekpindi jel men kóktaıǵaq ala keledi. Al termometr baǵany tez kóteriledi, tipti soltústik aımaqtarda kúndizgi ýaqytta 0-5 gradýs aıaz bolady dep kútilýde.
