Qazgıdromet: Aldaǵy úsh kúnniń aýa raıy boljamy
NUR-SULTAN. QazAqparat – «Qazgıdromet» RMK qyrkúıektiń 7-9-y kúnderiniń aýa raıy boljamyn jarııalady, dep habarlaıdy QazAqparat.
«Respýblıkanyń kóp bóliginde frontaldy bóliktiń áserinen jańbyr jaýady, soltústikte nóser jaýyn jaýady. Tek ońtústik óńirlerde aýa raıy jaýyn-shashynsyz bolmaq. 8-9 qyrkúıekte túnde Qostanaı, 9 qyrkúıekte Aqmola jáne Soltústik Qazaqstan oblystarynda 2 gradýs qatqaq bolýy yqtımal. Respýblıkanyń batysynda, soltústik-batysynda túnde aýa temperatýrasy 5...10, kúndiz 14...22 gradýs jyly, soltústikte jáne ortalyqta aýa temperatýrasy túnde 2–7, kúndiz 13-23 gradýs jyly, shyǵysta túnde 7–12 gradýs, kúndiz 20...25 gradýs jyly bolmaq. Respýblıkanyń ońtústigi men ońtústik-shyǵysynda túnde aýa temperatýrasy 10...15, kúndiz 22–27 gradýsqa deıin jyly bolady dep boljanýda», - delingen sınoptıkterdiń habarlamasynda.
