«Qazgıdromet» aldaǵy úsh kúnge aýa raıy boljamyn jarııalady
NUR-SULAN. QazAqparat – «Qazgıdromet» RMK tamyzdyń 29-31 kúnderi aralyǵyndaǵy aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, aldaǵy merekede kún jyly bolǵaly tur. Respýblıkanyń basym bóliginde kún raıynyń jaıly bolýyna shýaqty antıtsıklon yqpal etpek.
«Elimizdiń batysy men ońtústik-shyǵysynda atmosferalyq aǵyndardyń ótýine baılanysty aýa raıy qubylmaly bolady. Keı jerlerde naızaǵaı oınap, jel kúsheıip, jańbyr jaýady, burshaq túsýi yqtımal. Biraq jaýyn-shashynǵa qaramastan, bul aımaqtardaǵy aýa temperatýrasy + 25 ... 33 shamasynda bolady»,-delingen habarlamada.
