Qazgıdromet aldaǵy úsh kúnge arnalǵan aýa raıy boljamyn jarııalady
NUR-SULTAN. QazAqparat – Qazgıdromet aldaǵy úsh kúnge arnalǵan aýa raıy boljamyn jarııalady, dep habarlaıdy QazAqparat.
«14-16 qańtarda Salehard aýdandarynan yǵysqan antıtsıklon respýblıkanyń basym bóligine áser etedi. Saldarynan basym bólikte aýa temperatýrasy tómendeıdi. Tek kezeńniń sońynda Jerorta teńizi tsıklonynyń kelýimen aýa temperatýrasynyń joǵarylaýy kútiledi. Keı jerlerde qar jaýady, ońtústikte jáne batysta jaýyn-shashyn (qar, jańbyr), boran, tuman, jeldiń kúsheıýi, batys jáne ońtústik oblystarda kóktaıǵaq bolady», - delingen habarlamada.
