Qazgıdromet aldaǵy úsh kúnge arnalǵan aýa raıy boljamyn jarııa etti
NUR-SULTAN. QazAqparat – «Qazgıdromet» RMK-nyń baspasóz qyzmeti 4-6 tamyz aralyǵyndaǵy aýa raıy boljamyn jarııa etti, dep habarlaıdy QazAqparat.
Kásiporynnyń baspasóz qyzmeti taratqan aqparatqa qaraǵanda, Qazaqstannyń batys jáne shyǵys bóligindegi aýa raıyna naızaǵaı men jańbyr jaýyna septesetin jyra yqpal etedi.
Eldiń batys óńiriniń keı jerlerinde nóser jańbyr jaýyp, daýyl turady, burshaq jaýýy múmkin. Keıingi kúnderi, jyra Qazaqstannyń ońtústik bólikterine de áser etedi, sondaı-aq Iran aýdandarynan shyǵatyn jylymyq ońtústik pen ońtústik-shyǵysta temperatýranyń kóterilýine ákeledi.
