Qazgıdromet: Aldaǵy úsh kúnde Qazaqstannyń basym bóliginde jaýyn jaýady
NUR-SULTAN. QazAqparat - «Qazgıdromet» RMK 9-11 sáýirge arnalǵan aýa raıy boljamyn jarııalady, dep habarlaıdy QazAqparat.
«Aldaǵy úsh táýlikte Qazaqstan aýmaǵynyń basym bóliginde ońtústik tsıklon jáne onymen baılanysty atmosferalyq frontaldy bólikterdiń áserinen aýa raıy qubylmaly bolady. Eldiń basym bóliginde jańbyr jaýyp, soltústik-batysta túnde – qar men jańbyr jaýady. Respýblıkanyń ońtústik jáne ońtústik-shyǵys oblystarynda keı kezderi nóser jańbyr jaýyp, naızaǵaı oınaıdy. Qazaqstannyń soltústik, shyǵys oblystary ǵana soltústik-batys antıtsıklonynyń yqpalynda bolady. Osyǵan baılanysty munda kún ashyq bolady jáne temperatýranyń birtindep kóterilýi múmkin. Respýblıka boıynsha tuman túsip, jel kúsheıedi», - delingen sınoptıkterdiń habarlamasynda.
Shyǵys Qazaqstandaǵy tasjoldyń 5 ýchaskesinde qar túsirilgeni habarlandy.
