Qazgıdromet: Aldaǵy táýlikterde kún jylyna túsedi
ASTANA. QazAqparat - «Qazgıdromet» RMK sáýirdiń 6-8 kúnderine arnalǵan aýa-raıy boljamyn jarııa etti, dep habarlady QazAqparat.
Reseıdiń arktıkalyq aımaǵynan Qazaqstanǵa sýyq jáne ylǵaldy aýanyń kelýi jalǵasýda, sondyqtan kóptegen oblystarda burynǵysynsha aýa-raıy bultty bolady. Keı jerlerde jańbyr, qar jaýyp, tuman túsip, aýa temperatýrasy qalypty normadan 2-4ºS tómen bolady dep boljanýda.
Alaıda troposferlyq aǵymdardyń baǵyty birte-birte soltústikten ońtústik-batysqa qaraı aýysady. Sol sebepten 8-sáýirde Qazaqstannyń kóptegen oblystarynda jaýyn-shashyn azaıyp, aýa temperatýranyń joǵarylaı túsedi.
Batys aımaqtarda qazirdiń ózinde Taıaý Shyǵystan aýa aǵymdarynyń kelýimen kún jaýyn-shashynsyz jáne jyly bolady. Temperatýra qalypty normadan 3-6ºS joǵary bolady.
