«Qazgıdromet»: Aldaǵy táýlikterde elimizde kún bultty bolady
ASTANA. QazAqparat - «Qazgıdromet» respýblıkalyq memlekettik kásiporny 2017 jyldyń aqpan aıynyń 23-25 kúnderine arnalǵan aýa raıy boljamyn jarııa etti.
Kásiporynnyń málimetterine sáıkes, Qazaqstannyń soltústik oblystarynda qar jáne kúshti jel týyndatqan atmosferalyq aǵymdar, Batys Sibirge jyljyp barady. Olardyń yqpalymen antıtsıklon jaıylady, sonyń yqpalynan oblystardyń basym bóliginde az ǵana ýaqytqa kún bulttanady.
Onyń sońyn ala atmosferalyq aǵymdardyń áserinen jaqyn táýlikterde elimizdiń batysynda qar jaýyp, tuman túsip, kóktaıǵaq bolady. 25 aqpanada atmosfera aǵymdary soltústik óńirlerge de jetedi. Osy rette, aýa temperatýrasy klımattyq normadan 5-13ºS joǵary bolady.
Eldiń ońtústik óńirlerine atmosferalyq aǵymdar Kaspııdiń ońtústiginen keledi. 25 aqpan kúni munda jańbyr jaýyp, ylǵaldy qar túsip, tuman, kóktaıǵaq bolady. Mundaı aýa raıy ásirese taýlar men taýly aımaqtarda asa qaýipti.
