«Qazgıdromet» aldaǵy táýlikterde BQO men Atyraýda qatty ystyqtar jalǵasatyndyǵy týraly eskertý jasady
STANA. Tamyzdyń 4-i. QazAqparat - «Qazgıdromet» aldaǵy táýlikterde Batys Qazaqstan men Atyraý oblystarynda aýa raıy qysymynyń joǵary bolatyndyǵy týraly eskertý jasady.
Taratylǵan habarlamaǵa sáıkes, tamyzdyń 4-6 aralyǵynda BQO men Atyraý oblysynda kúndiz, Tselsıı baǵamy boıynsha +36 +41 gradýsqa deıingi qatty ystyqtar saqtalady.
Al Qazaqstannyń qalǵan aımaqtary antıtsıklonnyń yqpalynda bolady, respýblıkanyń tek shetkeri ońtústigi men soltústiginde aǵymdardyń yǵysýy kútilýde.
Máselen, Ońtústik Qazaqstan, Qaraǵandy, túnde Pavlodar, kúndiz Qostanaı oblystarynyń jekelegen jerlerinde sekýndyna 15-20 metr jyldamdyqta jel soǵady. Qyzylorda oblysynda 18 m/s ekpinde kútilip otyrǵan jelge shańdy boran aralasady.
Al Mańǵystaý, Qostanaı, Soltústik Qazaqstan, Qyzylorda, Aqmola, Almaty, Qaraǵandy men Jambyl oblystarynyń jekelegen jerlerinde qatty ystyq bolady dep boljanýda.
Sondaı-aq «Qazgıdromet» búgin, Mańǵystaý, Qyzylorda, Batys Qazaqstan, Aqtóbe men Ońtústik Qazaqstan oblystarynyń basym jerlerin jáne Jambyl oblysynyń jekelegen aýmaqtarynda 5-shi dárejeli órt qaýpi saqtalatyndyǵyn eskertti.
