Qazgıdromet aldaǵy naýryz aıyndaǵy kún raıyna boljam jasady
ASTANA. 21 aqpan. QazAqparat - 2012 jyldyń naýryzy - tosyn jaǵdaılarǵa toly bolýy múmkin. Sebebi bul kezde elimizdiń ońtústiginde kóktem bastalsa, soltústikte qaharly qys Qazaqstandyqtarmen qoshtasýǵa asyǵar emes.
Bul týraly Qazgıdromet baspasóz qyzmeti habarlap otyr.
Aı boıy Pavlodar, Shyǵys Qazaqstan, Almaty jáne Qaraǵandy oblystarynda jel baǵyty jıi almasyp otyrady, al batys pen eldiń ońtústiginde jel ekpini naýryz aıynyń birinshi jartysynda kúsheıe túsedi, sondaı-aq soltústiktiń jekelegen aımaqtarynda burqasyn turady.
Respýblıkamyzdyń soltústik bóliginde naýryzdyń ortasynda tuman túsip, al aıdyń sońynda keı jerlerde kóktaıǵaq bolady.
Naýryzdyń birinshi jartysynda ońtústik-batys aımaqtardy eseptemegende jaýyn-shashyn mol jaýady, al aıdyń sońynda jyly jańbyr barlyq aımaqtardy qamtıdy.
Aldyn ala boljamdarǵa sáıkes 8 naýryzda kóptegen aımaqtarda kún jyly bolǵanymen, jaýyn-shashyndy bolýy yqtımal. Astanada shamaly qar jaýyp, aýa temperatýrasy kúndiz -7°S sýyqty, al Almatyda - kún jaýyn-shashynsyz + 5°S jylylyqty kórsetedi.
